Qirgʻizistonda yangi hokimiyat, eski yetakchi guruhning uyushgan jinoiy ishlarini ochib tashlashda davom etyapti
Qirgʻiziston hokimiyati, eski yetakchi guruhning iqtisodiy uyushgan jinoiy ishlarini ochishda davom etib boryapti. Ular goʻyo, sobiq yetakchi siyosiy shaxslarning kirdikorlarini ochib berish bilan, mavjud boshqaruv sistemasidagi nosogʻlom muhitni berkitmoqchi boʻlishmoqchi! Lekin Qirgʻizistonda bir necha marotaba hokimiyat almashgan boʻlishiga qaramay, hech qancha vaqt oʻtmay boshqaruvdagi sistema yangi hokimiyatni ham xuddi avvalgilari singari, balki undan ham battarroq korruptsionerlarga aylantirib qoʻymoqda. Yangi yetakchilar ham xuddi avalgisidek, xalq mulkini talon taroj qilishda davom etyapti!
Kutilmaganda ochilib qolgan bu uyushgan jinoiy ishlar, xalqning milliardlagan pullarini bir guruh yoki alohida shaxslar tomonidan oʻzlashtirib olinganini ochiqqa chiqarib boryapti. Hali ochilmay qolgan jinoyatlar yoki yaqin kelajakda ochilishi mumkin boʻlmagan xiyonatlar bundan bir necha barobar koʻp! Yangi hokimiyat oʻziga aloqador uyushgan jinoyatlarni ochmaydi. Atambayev boshchiligidagi guruhning hokimiyatni oʻz qoʻlida saqlab qolishga qattiq intilganining sababi ham mana shudir. Agar u hokimiyat tizginini oʻz qoʻlida ushlab qola olganida, bu ulkan jinoyatlar nafaqat ochilmagan balki davom etib borayotgan boʻlar edi! Qirgʻiziston boshqaruv sistemasi shunday asoslarga qurilgan. Buni barcha siyosatchi va elita vakillari juda yaxshi biladi. Xalqaro boshqaruv sistemasi ham shu jinoiy boshqaruv sistemasidan xabardor va hatto manfaatdor. Ular, xoʻrakka ilintirish asosiga qurilgan bu boshqaruv mexanizmidan foydalanib, zaif davlatlarni rivojlanish imkoniyatlaridan mahrum etishadi.
Olamiy kufr sistemasi, oʻzlari tuzgan xalqaro qonunlarga muvofiq har bir tarmoq uchun donor davlatlar orqali bizlarga alohida mablagʻlar ajratib turishni oʻz zimmalariga olganlar. Lekin, oʻz mustamlakalari uchun oʻzlari ajratgan mablagʻlar, koʻzlangan maqsadga muvofiq ishlatilmasligi uchun, atayin korruptsiyaga mukkasidan ketgan yetakchilar paydo qiluvchi buzuq siyosiy muhitni (siyosiy doirani) paydo qilib olishadi. Natijada qarz hisobidan berilayotgan yordam pullarining juda oz qismi maqsad qilingan tarmoqqa sarflanadi. Qolgan qismi yetakchi guruh tomonidan oʻgʻirlik yoʻllari bilan oʻzlashtirib olinadi. Ular biz uchun pul ajratishayotganlarida juda ehtiyotkorlik bilan muomila qilib, bu mablagʻlar faqat infrastruktura singari obodonchilik ishlarigagina sarflanishini nazorat qilib borishadi. Iqtisodiy muammolarni hal qilishi mumkin boʻlgan sanoatlashish kabi tarmoqlar uchun ular hech qachon mablagʻ ajratishmaydi. Oqibatda qarz ortib boraverishi bilan, yirik davlatlarning zaif va mustamlaka davlatlar ustidagi taʼsir quvvati ham ortib boraveradi. Olamiy kufr boshqaruv sistemasining iflos asosga qurilgan kapitalistik boshqaruv tuzumining haqiqiy basharasi mana shu!
Qirgʻiz elitasi bu sistemadan xabardor boʻlsa ham, boshqa sistemaning yoʻqligi yoki ular bilmaganligi sababli, olamiy sistemaning iflos kirdikorlarini ochishdan juda qoʻrqishadi. Shuning uchun ular osongina bir birlarini, yaʼni yangilari eskilarini ayblash, qamash yoki quvib yuborish bilan xalqaro siyosat egalarini rozi qilib boraveradi. Chunki ertaga, yangi yetakchi guruh ham yana xalqaro donorlar oldida tiz choʻkib, sadaqa soʻrashga majbur boʻlishini yaxshi bilishadi!
Muammoning yechimi bor! Lekin u bu kufr olamiy sistemasi ichida emas! Qirgʻiziston singari zaif davlatning ichki siyosiy oʻzgarishlari bilan ham maqsadga erishib boʻlmaydi. Chunki har qanday ichki siyosiy muammo, albatta tashqi siyosiy taʼsir kuchlari bilan hisoblashadi va ularga tobe boʻladi. Shuning uchun muammoning yagona yechimi, kufr olamiy global boshqaruv sistemasiga itoat qilishdan bosh tortish bilan amalga oshadi. Buning uchun yangi olamiy mabdaiy boshqaruv sistemasi kerak. Bu esa Islomiy mabdaʼiy olamiy sistemasini hayotga qaytarish bilangina amalga oshishi mumkindir! Chunki kapitalizmning inqirozi muqarrar ekanini ularning oʻzlari ham eʼtirof etishmoqda. Olamda Islom sistemasidan oʻzga yaroqli boshqaruv tizimi qolmadi! Shuning uchun yaqin kelajakda islomiy Xalifalik boshqaruv sistemasi hayotga qaytadi insha Alloh! U nafaqat Qirgʻiziston yoki boshqa islomiy oʻlkalar uchun, balki kufr olami va kofirlar uchun ham shu dunyoda osoishtalik olib keladi insha Alloh!
Demak biz Qirgʻiziston musulmonlari muammoni aqlan tushunib yetib, yetakchi guruh bir birlarini gʻajishib boraveradiga iflos muhitni tozalashga hissa qoʻshishga shoshilishimiz kerak! Qirgʻiz elitasidan, ilmoniy siyosatchilaridan umid yoʻq ekanligini bilgan holimizda jamiyatni, ummat mulkini, musulmonlar or nomusini saqlab qolish uchun jamiyatga Islomni olib kirishga shoshilaylik! Kufr sistemasiga asoslangan bu boshqaruv sistemasi oʻzgarmay, biri ketib ikkinchisi kelaveradi. Ummat yangilaridan umid qiladi, lekin boshqaruv sistemasi va xalqaro siyosat oʻzgarmagani uchun yana ilgarigi xor holatimizga qaytib kelaveramiz! Ulamolarimiz ham hech boʻlmaganda ummatni kufr boshqaruviga bogʻlab berishdan tiyilsinlar! Oʻzimiz kufrdan umid yoʻq ekanini bilib turib, kufrga asoslangan musulmonlarni qoʻllash bilan Islomni emas, kufrni qoʻllayotganimizni ummatga toʻgʻri, xolis tushuntiraylik! Allohdan qoʻrqib unga taqvo qilaylik! Zero ana shunda shunchalik buzuqchilik ichidan toza, yuzi yorugʻ boʻlib Allohga roʻbaro boʻlishga muyassar boʻlsak!
