Frantsiya bosh vaziri: Bizning maqsadimiz Asadni qulatishga qaratilgan emas!
Frantsiya bosh vaziri Eduar Sharl Filipp Frantsiyaning Suriyaga zarba berishdan koʻzlagan maqsadi Suriya rejimini qulatish yoki Bashar Asadga qarshi urush ochish emasligini, bildirdi. Bosh vazir Filipp milliy majlisning maxsus yigʻilishida Suriyaga uyushtirilgan harbiy amaliyot haqida deputatlarga axborot berar ekan, Frantsiyaning dushmani Suriya rejimi emas, IShID tashkiloti ekanligini aytib oʻtdi. Unga koʻra, 2003da Iroqqa boshlangan harbiy amaliyot bilan hozirgi Suriyada amalga oshirilgan harbiy hujum oʻrtasidagi farq mana shunda. (Chunki unda maqsad Saddam rejimini qulatish boʻlgan).
“Bizning dushmanimiz Asad emas, biz Bashar Asad yoki Suriya rejimiga qarshi urush ochmadik. Rejimni qulatish niyatimiz yoʻq. Bizning dushmanimiz IShID tashkilotidir”, dedi Mamlakatning xavfsizligi uchun harbiy amaliyotga qaror qilganligini bildirgan Filipp.
Filippning taʼkidlashicha, Suriyada kimyoviy qurol ishlatish javobsiz qolsa, siyosiy yechim topish mumkin boʻlmay qoladi.
Bosh vaziri Edouard Filippning bayonotidan soʻng soʻzga chiqqan baʼzi deputatlar harbiy amaliyot haqida oʻz xavotirlarini bayon qildi. Ayrim vakillar esa Turkiya va Rossiya bilan yangidan ishonchli munosabatlar oʻrnatish lozimligini bildirdi. Respublikachilar parlament guruhi rahbari Kristian Yaqob AQSh, Frantsiya va Britaniya amalga oshirgan harbiy amaliyot Frantsiyaga qanday foyda keltirgani muhoqama qilinishi lozimligini taʼkidladi.
Bundan avval Britaniya bosh vaziri Tereza Mey ham Britaniyaning hujumi Asadga qaratilmaganligini va aslo Asad rejimini qulatish niyati yoʻqligini bildirdgan edi.
