Qozogʻiston Livanga tinchlikparvar kuchlarini yuboradi
Qozogʻiston Livanga mamlakatda tinchlikni ushlab turish boʻyicha BMT missiyasi doirasida tinchlikparvarlar rotasini yuborish uchun tayyorgarlik ishlarini olib bormoqda. Bu haqda respublika mudofaa vaziri oʻrinbosari Talgat Muxtorov xabar berdi.
“Biz hozir boʻlinmamizni tinchlikparvarlik missiyalardan biriga yuborish uchun katta tayyorgarlik ishini amalga oshirmoqdamiz. Biz tinchlikparvarlik missiyasida baʼzi vaqt davomida faqat alohida zobitlarni shtab zobitlari, kuzatuvchi zobitlar sifatida yuborish orqali ishtirok etganmiz”, – deya aytib oʻtdi Muxtorov jurnalistlarga.
Uning taʼkidlashicha, ayni damda rotani yuborish tayyorlanmoqda. “Biz barcha kerakli jarayonlardan oʻtdik va endi alohida jihatlar, standart jarayonlar qoldi. Kuzgacha biz rotani yuboramiz, taxminan 120 kishi missiyalardan biriga yoʻllanadi. Dastlabki maʼlumotlarga koʻra bu – Livandagi missiya”, – deya xabar qilgan Muxtorov.
