AQShning Injirlikni tark etish niyati yoʻq
AQSh Mudofaa vazirligi (Pentagon) AQShning Injirlikdan chiqib ketishi haqidagi xabarlarni qatiyyan rad etdi. AQSh Markaziy Havo kuchlari qoʻmondonligi oʻzining rasmiy Tvitter sahifasi orqali bergan bayonotida “AQSh harbiy kuchlarini Turkiyadagi Injirlik havo bazasidan ham, Qatardagi Al-Udayd havo bazasidan ham olib chiqib ketmasligini maʼlum qildi. Qoʻmondonlikka, koʻra bu haqida tarqalgan xabarlar asossizdir.
“AQShning Turkiyadagi Injirlik havo bazasidan va Qatardagi Al-Udayd havo bazasidan chiqib ketayotganligi daʼvo qilingan xabarlar haqiqatdan tamoman uzoqdir”, “Mushtarak xavfsizlik muammolarini bartaraf qilish uchun hamkorlikda ishlash kerak boʻlgan bir paytda bunday zararli xabarlar mintaqadagi sheriklar orasida oʻzaro ishonchsizlik va uzoqlashishning kuchayishiga xizmat qiladi”, deyiladi AQSh Markaziy qoʻmondonligi tarafidan berilgan bayonotda.
Soʻnggi paytlarda Qoʻshma Shtatlarning Injirlik havo bazasidan jangovar kuchlarini olib chiqishi haqida xabarlar tarqalgan edi. Shuningdek AQSh Qatarda joylashgan havo bazasidagi kuchlarining kamaytirganligi haqidagi xabarlar ortidan AQShning bu ikki bazadan chiqib ketishligi haqida bir qancha daʼvolar ilgari surilgan edi.
Pentagon esa AQShning IShIDga qarshi kurash operatsiyalarini kamaytirishi va Afgʻonistondagi Tolibonga qarshi operatsiyalarini jadallashtirish uchun baʼzi jangovar kuchlarini Afgʻonistonga yuborishi haqida maʼlum qilgan edi.
Turkiston:
Sovuq urush tugagandan soʻng NATOning janubiy qanoti sobiq strategik ahamiyatini yoʻqotganligi haqida izohlar berila boshladi. Ammo Yaqin Sharqda Islom ummatining toboro uygʻonib borishi ortidan yuzaga kelgan oʻzgarishlar tufayli Turkiyadagi Injirlik havo bazasi kofir gʻarb davlatlari, xususan Amerika uchun strategik ahamiyatni saqlab qoldi. Islomiy oʻlkalar yetakchilarining qoʻli bilan Gʻarbga topshirilgan bu baza Islom dunyosiga qarshi ishlatildi va AQShning Iroq, Afoniston va Suriyadagi minglab musulmonlarni qirgʻin qilishiga imkon yaratdi.
Injirlik havo bazasini tark etish masalasi AQSh uchun hayot-mamot masalasidir. Chunki Injirlik havo bazasi juda koʻp jihatdan, xususan geografik joylashuvi jihatidan AQShning Yaqin Sharq mintaqasidagi olib borayotgan harbiy amaliyotlari uchun xarajat va vaqtdan yutish borasida muhim afzalliklarga ega. Masalan, Suriya xalqini qirgʻin qilayotgan qiruvchi AQSh samolyotlari Amerikadan uchib kelayotgani yoʻq. Shundoqqina, Suriyaning yonginasidan, yaʼni Erdogʻan hukumati qoʻsh-qoʻllab AQShga topshirib qoʻygan va boshqa arab davlatlari yoqilgʻilar bilan taʼminlab turgan Injirlik havo bazasidan uchib, musulmonlarning ustiga kulfat yogʻdirmoqda.
