Putin: Ukraina voqealari vaqtida AQSh Rossiyani surbetlarcha aldadi
AQSh Ukrainadagi inqiloblar oldidan AQSh Rossiyani “qoʻpol va surbetlarcha” aldadi, deb bayonot berdi Rossiya prezidenti Vladimir Putin. Bu haqida Sputnik nashri xabar bermoqda.
“Amerikalik hamkorlarimiz bizga murojaat qilib, men hozir sizlarga ularning iltimosini soʻzma-soʻz keltirayapman, Yanukovich armiyani ishga solmay turishi uchun bizdan yordam soʻrashdi, toki bu oppozitsiya maydonlar, maʼmuriy binolarni boʻshatib, holatni normallashtirish borasida erishilgan kelishuvlarni bajarishga kirishishi uchun kerak edi. Ular bu borada bor imkoniyatimizni ishga solishimizni iltimos qildi”,- dedi Putin “Jahondagi tartib 2018” filьmida jurnalist Vladimir Solovьevga bergan intervьyusida.
Putinning soʻzlariga koʻra, Rossiya rozi boʻlgan, bir kundan keyin esa Ukrainada davlat toʻntarishi yuz bergan.
“Hech boʻlmasa telefon qilishmaydimi, hech boʻlmasa nimadir qilishmaydimi, bir soʻz aytishsa ham mayliga edi. Hech boʻlmasa aytishmaydimi – bilasizmi, ijrochi ekstsessi degan tushuncha bor, biz buni xohlamagandik, lekin voqealar shunday (rivoj topdi), lekin biz hammasini oʻz joyiga qaytarish uchun bor harakatimizni qilamiz. Bir soʻz ham aytishgani yoʻq, aksincha, davlat toʻntarishini amalga oshirganlarni toʻliq qoʻllab-quvvatlash boʻldi,- dedi Putin.
Rossiya prezidenti Amerika bu toʻntarishni deyarli oʻz qoʻllari bilan sodir etganini taʼkidlab, u shuning uchun bugungi kunda hozirgi kiyev hukumatini qoʻllab-quvvatlashga majburligini qoʻshimcha qildi.
Putin bu voqea amerikalik hamkorlar tomonidan yoʻl qoʻyilgan birinchi jiddiy yolgʻon boʻlganini aytdi. “Shunday qoʻpol va surbetlarcha, birinchi marta. Keling bunday qilamiz, deya haqiqatda hammasini boshqacha qilish holati, va bu borada hatto nimadir deb izoh bermaslik, bunaqasi hali boʻlmagan”,- qoʻshimcha qildi Putin.
