AQSh Eronda norozilik bildirayotganlari qoʻllab chiqdi
“Biz Eron xalqining oʻz munosabatini tinch usulda ifodalayotganini quvvatlaymiz. Biz barcha tomonlarni ushbu asosiy huquqni tinch ifodalashni himoya qilishga va tsenzuraga yordamlashadigan har qanday xatti-harakatdan tiyilishga chaqiramiz”, -dedi Oq uyning matbuot kotibi Sara Sanders.
Bundan avval AQSh prezidenti Donalьd Tramp norozilarni Twitter orqali qoʻllab-quvvatlagandi. Tramp Erondagi noroziliklar manzarasida “internet uzib qoʻyilishini” qoraladi.
Payshanba kuni Eronning Mashhad shahrida 200ga yaqin odam norozilik aktsiyasi oʻtkazgandi. Ular Erondagi iqtisodiy ahvoldan norozilik izhor qildi va hukumatni tanqid ostiga oldi. Politsiya 52 kishini ruxsat berilmagan mitingda ishtirok etganlikda va davlat mulkini yakson qilishda ayblab hibsga oldi.
Norozilik namoyishlarining oxirgi kunida roʻy bergan toʻqnashuvlar oqibatida yana 10 kishi halok boʻldi va qurbonlar soni 12 nafarga yetdi. Bu haqda Eron davlat televideniyesi xabarida aytilgan.
Maʼlumotlarga koʻra, 31 dekabr kuni politsiyachilar bilan toʻqnashuvlar vaqtida namoyishchilarning 10 nafar vakili halok boʻldi. Undan avvalroq, 30 dekabr kungi tartibsizliklar vaqtida ikki kishi oʻldirilgandi.
