BMT Qrim boʻyicha rezolyutsiyani maʼqulladi
BMT bosh assambleyasi Rossiya tomonidan annektsiya qilingan Qrimda inson huquqlariga rioya etilishining ahvoli toʻgʻrisida yangilangan rezolyutsiyani maʼqulladi. Bu haqda BMTdagi Ukraina vakolatxonasi tvitter orqali maʼlum qildi. Hujjatni “yoqlab” 70ta mamlakat ovoz berdi, 26ta davlat “qarshi”, yana 76 ta mamlakat “betaraf qoldi”.
Rezolyutsiyada inson huquqlari buzilayotgani va Qrimda “qonunga zid ravishda Rossiya Federatsiyasi qonunlari, yurisdiktsiyasi va boshqaruvi” oʻrnatilgani tanqid qilingan. Hujjatda Rossiya “bosqinchi derjava” deya talqin qilingan, Qrim anneksiyasi tan olinmagan.
Hujjatda Rossiyaga Qrim aholisiga nisbatan barcha qonun buzilishlariga va inson huquqlari kamsitilishiga chek qoʻyish,jumladan “oʻzboshimchalik bilan ushlash, qiynoq va boshqa gʻayriinsoniy yoki murojaatda inson qadr-qimmatini pasaytiruvchi muammola”larni toʻhtatish,shuningdek “barcha kamsituvchi qonunlarni bekor qilish” chaqirigʻi bor.
Shuningdek, Rossiya BMTning xalqaro sudining yarim orolda Ukraina fuqorolarining huquq va erkinliklarini tiklash borasidagi oraliq qarorini bajarish, qrim tatarlari Majlisini ekstremistik tashkilot deya eʼlon qilingan qarorni bekor qilish va Qrimga BMTning inson xuquqlari boʻyicha Monitoring missiyasini kiritish talablari ham bor.
Ukraina TIV rahbari Pavel Klimkin rezolyutsiya qabul qilinish jarayonini “eng murakkabliklardan biri boʻlganini” taʼkidladi. “Rossiyaga bosim kuchaydi”,- dedi Klimkin va hujjatni qoʻllab-quvvatlaganlarga minnadorchilik bildirdi.
Sentyabrь soʻnggida BMT yangi hisobot qabul qilgan edi, unda Rossiya tomonidan annektsiya qilingan Qrimda inson huquqlari bilan bogʻliq vaziyat yomonlashgani taʼkidlanadi. Hujjatda qayd qilingan jiddiy buzilishlar qatorida – odamlarning yoʻqolib qolishi, maqsadsiz hibsga olishlar, qiynoqlar va qonunga zid ravishda deportatsiyalar bor.
