Putin Gʻarbni “ikki xil standart”likda aybladi
Rossiya Prezidenti Vladimir Putin yana bir bor Gʻarbni “ikki xil standart”likda aybladi. Sochida “Valday” klubining munozaralarida chiqish qilgan Putin oʻz soʻzida, Yevropaning qoʻllab-quvvatlashi bir qator mamlakatlarning qulashiga va Kosovaning ajralib chiqishi ayrimachiliklarning avj olishiga sabab boʻlganini aytdi. Prezidentning fikricha, bu holat Kataloniyadagi vaziyatni keltirib chiqardi.
Putinning soʻzlariga qaraganda, Yevropa Ittifoqi va ayrim boshqa davlatlar bir ovozdan Kataloniya mustaqilligi tarafdorlarini tanqid qilib chiqishdi, biroq ular shunga qadar Kosovaning ajralib chiqishini qoʻllab-quvvatlashgan edi. “Bu kabi ikki xil standartlar Yevropaning barqaror rivojlanishi uchun jiddiy xavf tugʻdiradi”, – deya bayonot berdi Rossiya prezidenti. Uning qayd qilishicha, Rossiya Kataloniya bilan bogʻliq vaziyatni Ispaniyaning ichki ishi sifatida koʻradi.
Putinning bayonotiiga koʻra, BMT xalqaro tizimning markazi boʻlib qolishi kerak. Shu bilan birga u tashkilot asta-sekin isloh etilishi lozimligini taʼkidlab oʻtdi. Davlat rahbarining aytishicha, jahon siyosatida mamlakatlar taraqqiyotida geosiyosiy, hududlarining qamrovi va boshqa omillar bilan birga ilmiy-texnik omillar ham katta ahamiyatga ega boʻladi.
Oʻtgan haftada Putinning matbuot kotibi Dmitriy Peskov bayonot berib, prezident “Valday anjumanida anьanaviy qiziqroq va muhim chiqish qilishga” tayyorgarlik koʻrayotgani haqida maʼlum qilgan edi.
