Sizlarda zarracha or-nomus, hayo qolmadimi?
Myanma hukumati va budparast guruhlarning hujumlari natijasida oʻz yerlarini tark etib, Bangladesh chegarasida ogʻir kunlarni boshdan kechirayotgan arakanlik musulmonlarga xalqaro yordam olib borgan tashkilotning xodimi Islom oʻlkalarining rahbarlari va armiyasiga nido qilib, musulmonlar uchun qoʻzgʻalishga chaqirdi. U bir qancha insoniy yordamlar bilan borib, mahzun insonlarning koʻzlarini quvonchga toʻldiraman deb oʻylagan edi. Biroq kutilmaganda oʻzining koʻzlari yoshlarga toʻldi. Chunki u Ummati Muhammad qanchalar xoʻrlanganiga va bu xoʻrliklar insoniy yordamlar bilan bartaraf boʻlmasligiga shaxsan oʻzi guvoh boʻlgan edi.
Asl kelib chiqishi Janubiy Osiyolik Angliya fuqarosi tasavvur qilish qiyin boʻlgan darajada zoʻravonliklarga duchor boʻlgan arakanlik musulmon qochqinlarning ahvolini koʻrgan paytda his-tuygʻularini yashira olmadi. Soʻng video tasvir orqali Islom oʻlkalarining rahbarlari va armiyalariga nido yoʻlladi:
“Biz bu yerga keldik. Bu yerda qancha-qancha zoʻrlangan yoki hujumga uchragan oila aʼzolari bor. Biz bir qop guruch bilan kelib, hamma narsani tuzatamiz deb oʻylagan edik. Men oʻzimdan or qilyapman. Biz Muhammad s.a.v.ning ummatimiz. Aslida biz qiyinchiliklarga yigʻlamaymiz. Meni yigʻlayotgan narsa shuki, biz ular uchun hech narsa qilolmayapmiz. Demak, biz shu darajaga tushib qolibmiz. Biz gʻururimizni yoʻqotdik. Bizning rahbarlarimiz uyalishlari kerak. Ular bizning mana shunday xoʻrlanishimizdan javobgardirlar. (Ey rahbarlar) armiyalaringiz nima ish qilyapti? Askarlaringiz va tanklaringiz nima ishga yaraydi? Opa-singillaringiz tajovuzga uchramoqda, sizlarda zarracha boʻlsa ham hayo, or-nomus qolmadimi, bizni qay ahvollarga soldingiz?”,- deya koʻz yoshlarini toʻxtata olmadi insoniy yordam tashkilotining xodimi.
