Asad Suriyada “Xavfsiz mintaqa yaratish” mevalarini terib ola boshladi
AQSh boshchiligida hamda Rossiya, Turkiya va Eron davlatlarining kafilligi ostida oʻtkazilgan Astana uchrashuvida Suriyada “Xavfsiz mintaqa yaratish” rejasi eʼlon qilinishi ortidan Asad rejimiga jon kira boshladi. Mazkur qarordan soʻng Asad kuchlari bir qancha mintaqalarni, jumladan Homs va Deyr az-Zur mintaqasini qoʻlga kiritdi.
Eng soʻngi olingan xabarlarga koʻra, Asad rejimi va Eron hizbining jangchilari Suriyaning janubidagi Iordaniya bilan chegaradosh barcha hududlarni nazorat ostiga olgan. Natijada mazkur mintaqani nazorat qilayotgan muxolifat guruhlari 6500 kvadrat kilometr maydonni qoʻldan boy bergan.
Bundan avvalroq muxolif guruhlarlardan biri Tahrir Shom guruhi Damash atrofidagi Abu Dali mintaqasini Asad kuchlaridan ozod qilganligi haqida xabar tarqagan edi. Mazkur hodisani izohlagan Hizb ut-Tahrir markaziy matbuot boʻlimining raisi Usmon Baxxosh shunday deydi: “Harbiy fanda shunday qoida bor; u yer-bu yerda gʻalaba qozonish muhim emas, balki eng muhimi urushda gʻalaba qozonishdir. Shuning uchun aytish mumkinki, Idlib masalasida Astana, Moskva va Jeneva shartnomalarini qabul qilgan Turkiyaga tobe guruhning Abu Dali mintaqasini qutqarishi hech qanday ahamiyat kasb etmaydi”.
Darhaqiqat, Rossiya va Turkiya hamkorlikda Suriyada olgʻa surayotgan “Xavfsiz mintaqa yaratish” rejasidan maqsad Halabda amalga oshirilgani kabi muxolifat kuchlarini zayiflashtirib, Idlibning qulashini taʼminlash, shundan soʻng shaharni ilmoniy Asad rejimining qoʻliga topshirish ekanligi hech kimga sir boʻlmay qoldi. Suriya boʻyicha koʻplab mutaxassislar ham Ostona muzokaralarida kelishilgan “Xavfsiz mintaqa yaratish” rejasi Suriya urushida asosan Asad rejimi uchun imkoniyatlar yaratayoganligini bildirishmoqda.
