Ostonada Suriya boʻyicha muzokaralarning oltinchi bosqichi boshlandi
“RIA Novosti” axborot agentligining xabar qilishicha, Qozogʻiston poytaxti Ostona shahrida Suriyadagi mojaroga yechim topish boʻyicha muzokaralarning oltinchi bosqichi boshlandi.
Xabarga koʻra, muzokaralar sulhga kafolatchi davlatlar ishchi guruhlarining uchrashuvlari bilan boshlangan.
Uchrashuvlar yopiq tartibda oʻtmoqda. Rejaga koʻra, avvaliga ikki tomonlama shakldagi muzokaralar boʻlib oʻtadi, soʻng uchrashuvga BMT vakillari kelib qoʻshiladi.
Shuningdek, xabar qilinishicha, muzokaralar uch kun davom etadi.
Avvalroq qurollangan Suriya muxolifati Ostonadagi muzokaralarda qatnashishi xabar berilgan edi.
