Hashamatli mehmonxonada Arakan qirgʻinini “qattiq” tanqid qilgandan soʻng hashamatli uylariga qaytib ketishdi
Arakan qirgʻiniga nisbatan Islom Ummatining keskin reaktsiyasidan keyin xalqaro tashkilotlar va ayrim davlatlar harakatga keldi. Lekin ular faqat bor ovozlari bilan “baqirib-baqirib” tanqid qilish, xalqaro tashkilotlardan yordam soʻrash va qoʻshni davlatlarni qochoqlarga joy berishga chaqirish bilan cheklanishdi.
BMT va Islomiy hamkorlik tashkiloti yetakchiligida bir qancha Gʻarb tashkilotlari Arakan masalasida yigʻilish oʻtkazish uchun lyuks avtomobillari bilan hashamatli mehmonxonada toʻplanishdi. Ular Arakan qirgʻinini “qattiq” tanqid qilishlarini aytishib, bundan juda qaygʻuga botganligini bildirishdi. Soʻng yana oʻsha lyuks avtomobillari bilan hashamatli uylariga qaytib ketishdi.
Yigʻilishda Islomiy hamkorlik tashkiloti Arakan viloyatida musulmonlarga tegishli uylarning yoqib yuborilishini “qattiq” qoraladi. Tashkilotning yozma bayonotida harbiylarning tinch aholiga qarshi qurol ishlatishi “qattiq” tanqid qilindi hamda “fuqarolarni himoya qilish” borasida Birma hukumatining xalqaro majburiyatlarni buzayotganligi aytib oʻtildi.
“Mintaqadagi qishloqlar va uylarning aksariyati politsiya va askarlar qoʻllab-quvvatlangan guruhlar tomonidan sistematik tarzda vayron qilindi. Buning natijasida minglab odamlar mintaqani tark etishga majbur boʻldi”, deyiladi bayonotda.
Uchrashuvdan soʻng jurnalistlarga bayonot bergan Angliyaning BMTdagi doimiy vakili Matto Rycroft ham – garchi bu yigʻilishda zolim butparastlarga qarshi biror chora koʻrilmagan boʻlsa ham – juda foydali yigʻilish boʻlib oʻtganligini taʼkidladi.
“Biz Birmadagi vaziyat tufayli juda qaygʻuga botdik. Barcha zoʻravonlikni qattiq qoralaymiz, tomonlarni oʻrtadagi taranglikni yumshatishga chaqiramiz”, dedi Rycroft.
BMT Bosh kotibi Antonio Guterres esa oʻzinig bayonotida Arakanda oʻtkazilgan “Xavfsizlik amaliyoti”da tinch aholining oʻldirilishidan chuqur xavotirga tushganligini bildirdi.
Isroil yongʻinida darhol oʻt oʻchiruvchi samolyotlarini ishga solgan Turkiya hukumati ham Arakandagi zulmni “qattiq” qoraladi. Turkiya tashqi ishlar vaziri Mevlut Chavushogʻlu hodisada irqchi guruhlarni ayblar ekan, butun dunyo xususan Islom dunyosini sukut saqlamay tanqid qilib turishga chaqirdi.
“Bu zulmni “qattiq” qoralaymiz. Butun dunyo bilan aloqadamiz. Mintaqadagi davlatlar zimmasiga katta vazifalar yuklanmoqda. Biz Turkiya sifatida vazifamizni bajaramiz. U yerdagi (Biramdagi) tashqi ishlar vazirining yordamchisi bilan biznikilar aloqa oʻrnatishdi. Ularga bu muammoni tubdan hal qilish kerakligini va har qanday yordam berishga tayyorligimizni aytdik. Faqat u yerda irqchi guruhlar orasida diniy yetakchilar bor. Bu borada butun dunyo xususan Islom dunyosi eʼtiborli boʻlishi lozim, aslo sukut saqlamaylik va ogohlantirishni toʻxtatmaylik”, dedi Chavushogʻlu.
