AQSh Ruminiyaga raketa tizimlari yetkazib bermoqchi
Ruminiya AQShdan umumiy qiymati 1,25 mlrd dollarlik High Mobility Artillery Rocket Systems (HIMARS) yoppasiga oʻt ochish reaktiv tizimlarini oladi. Bu haqda Pentagon tarkibiga kiruvchi boshqarma maʼlum qilgan.
AQSh mudofaa vazirligida bu shartnoma “AQShning tashqi siyosati va milliy xavfsizligini mustahkamlashi”, chunki NATO boʻyicha ittifoqdoshi xavfsizligini kuchaytirishga qaratilgani aytilgan. Bundan tashqari, Vashington fikricha, raketa tizimlarini yetkazib berish Ruminiyaning mudofaasini kuchaytirish boʻyicha ehtiyojlariga va NATO maqsadlariga toʻgʻri keladi. Biroq AQSh kongressida bu shartnomani oʻrganib chiqish va unga ruxsat berish-bermaslik uchun 30 kun bor.
AQShning fikricha, Ruminiya HIMARS tizimi hisobiga oʻz qurolli kuchlarini modernizatsiya qilmoqchi va “hududiy tahdidlar”ni ushlab turishni kuchaytirmoqchi.
Kelishuvga koʻra, agar shartnoma amalga oshirilsa, 10 nafar amerikalik mutaxassis yangi tizimlarni yoyish va personalni u bilan ishlashga oʻrgatish uchun Ruminiyaga bir yilga yuboriladi.
AQSh iyulda Ruminiyaga 3,9 mlrd dollarga Patriot zenit-raketa tizimlarini yetkazib bermoqchiligini maʼlum qilgan edi.
