“الخلافة نت” sayti yangi dizaynda ish boshlagani toʻgʻrisida eʼlon
Hizb ut-Tahrir markaziy matbuot boʻlimi shuni mamnuniyat bilan eʼlon qiladiki, hijriy 1438 yil 5 zul-qaʼda, milodiy 2017 yil 28 iyul juma kunidan boshlab, roshid Xalifalik sayti “Khilafah.net” yangi dizaynda ish boshladi. Biz ushbu boʻlim aʼzolari saytning ish boshlaganini eʼlon qilar ekanmiz, Alloh Subhanahudan duo qilib, roshid Xalifalikni barpo etishga bizni muvaffaq qilishini soʻrab qolamiz. Zero Ummat, Alloh Oʻzi rozi boʻlgan Islomiy hayotni qayta boshlash, yetakchilikni oʻz ahlini aldamaydigan yetakchiga, yaʼni ongli, ishonchli, xolis guruhga berish orqali azizlikka va baxt-saodatga erishadi. Ummat ichidan yetishib chiqqan bu guruh ogʻir kunlarda Ummatni yordamsiz qoldirmaydi, dushmanga qoʻl bermaydi va faqat Alloh Azza va Jalladan yordam soʻraydi. Albatta buning ortidan, belgilari koʻrinib tongi yaqinlashgan paygʻambarlik mihojiga asoslangan roshid Xalifalik tiklanishi orqali Alloh Subhanahuning vaʼdasi va Rosuli Aning bashorati roʻyobga chiqadi. Zero, bu Allohga hargiz mushkul emas.
Hizb ut-Tahrir salkam yetmish yildan buyon, hukmdor va togʻutlarning qiynoqlariga, toʻsiqlariga, makr qopqonlariga parvo qilmay, insonlarni roshid Xalifalikni barpo etishga daʼvat qilib kelmoqda. U bu ishda Rosululloh Aning Madinai Munavvarada ilk Islom davlatini barpo etishda tutgan tariqatlarini oʻziga oʻrnak qilib olgan. Hizb ayni davlat uchun tayyorgarlik koʻrgan holda, sharʼan eʼtiborga olinuvchi dalillardan istinbot qilib, oʻxshashi yoʻq, ulugʻvor dastur ishlab chiqdi va uni yorqin buyuk loyiha sifatida Ummatga taqdim etdi. Ushbu loyiha tatbiq etilishi bilanoq, Ummat bugungi gʻayriilohiy qonunlar zulmatidan Islomning adolat nuriga chiqadi va dunyoyu oxirat saodatiga musharraf boʻladi. Mana, bugun Hizb ut-Tahrir Alloh Azza va Jallaning fazli ila hamda oʻzining amiri ulugʻ olim Ato ibn Xalil Abu Roshta hafizahullohning qulay sharʼiy uslub va vositalardan foydalanishga boʻlgan harisligi tufayli ushbu yana bir yangi media minbarini tashkil qilib, roshid Xalifalik sayti yangi dizaynda ish boshlaganini eʼlon qilmoqda. Hizb ushbu sayt orqali Islom Ummatiga kuch-izzatga chaqiruvchi murojaatlar hamda siyosiy, fikriy va fiqhiy bayonotlar yoʻllaydi, Ummatning taqdiriy masalasi boʻlmish (Paygʻambarlik minhoji asosidagi Xalifalikni barpo etish)ni ongli ravishda tushunishga targʻib etadi, malay rejimlar ostida jaholat va xorlik hayotida yashashdan, Rosululloh A bunday deya qoldirib ketgan pokiza Islom soyasidagi ilgʻor kuch-qudratli hayotga koʻtarilishga daʼvat qiladi:
“تَرَكْتُكُمْ عَلَى بَيْضَاءَ نقية لَيْلُهَا كَنَهَارِهَا لاَ يَزِيغُ عَنْهَا إِلاَّ هَالِكٌ”
“Men sizlarga tuni ham kunduzdek yorugʻ pokiza eng toʻgʻri yoʻlni qoldiryapman. Undan faqat halokatga uchragan kimsagina chetga chiqishi mumkin”.
Yangi dizayndagi saytimiz musulmonlarga Islom davlati qanday barpo boʻlganu, soʻng qanday qulatilganini, uni qayta barpo etish farz ekanini va barpo etishning sharʼiy yoʻli qanday ekanini bayon qiladi. Shuningdek, saytda Hizb ut-Tahrir tomonidan tayyorlangan va yaqinda Allohning izni ila, barpo boʻladigan Paygʻambarlik minhoji asosidagi roshid Xalifalik davlatiga taqdim etiladigan Xalifalik davlati shakli, tuzumi va jihozi ham Ummatga yoritib beriladi. Saytga tashrif buyurganlarga Islomdagi boshqaruv nizomi (Xalifalik) bilan bogʻliq barcha fikriy, siyosiy va fiqhiy kitoblar va nashrlar ham, bularga qoʻshimcha, Hizb chiqarayotgan nashralar, jurnallar ham taqdim etiladi hamda Hizbning eng muhim tadbir va faoliyatlari namoyish qilinib, xabarlar, siyosiy tahlillar, hamma-hammasi qulay texnik yoʻllar bilan taqdim etiladi.
Alloh Azza va Jalla Oʻzing yoʻlimizni ravon qil, bu saytni yaxshilik minbariga, nurli chiroqqa aylantirib, ular orqali insonlarni ezgulikka hidoyatla, bu ishni ustida turgan va xizmat qilayotgan xolis birodarlarga ajri azim ber. Ishlarga muvaffaq qiluvchi faqat Oʻzingsan.
Usmon Baxxosh
Hizb ut-Tahrirning markaziy matbuot boʻlimi raisi
Manzil: alMazraa – “Kolumbia Tsentr” – blok b – ikkinchi qavat
Pochta qutisi 145010
telefon: 00961 1 30 75 94
uyali telefon: 00961 71 72 40 43
elektron pochta: media@hizb-ut-tahrir.info
