Medvedev: AQSh bilan munosabatlarni yaxshilashga boʻlgan umidlar butkul soʻndi
Rossiya bosh vaziri Dmitriy Medvedevning fikricha, AQSh sanktsiyalar haqidagi yangi qonuni orqali Rossiyaga toʻlaqonli savdo urushi ochdi. U Rossiya hukumati endi Vashington bilan munosabatlar yaxshilanishiga umid qilmasligini bildirgan.
“Birinchidan, amerikaliklarning yangi maʼmuriyati bilan munosabatlar yaxshilanishiga boʻlgan umidlarimiz soʻndi. Ikkinchidan, Rossiyaga savdo urushi ochildi”,- deya yozgan Medvedev Feysbukdagi sahifasi orqali.
Bosh vazirning fikricha, AQSh prezidenti Donald Trampning maʼmuriyati “eng sharmandali koʻrinishda” oʻz vakolatini kongressga topshirdi.
“Amerikaliklar muassasalari Trampni yengdi. Prezident yangi sanktsiyalardan xursand emas, ammo u qonunni imzolamaslikdan boshqa iloji qolmadi. Yangi sanktsiyalar mavzusi Trampga oʻz joyini koʻrsatib qoʻyishlaridan darakdir. Oldinda hali yangi yurishlar bor, asosiy maqsad esa – uni hokimiyatdan chetlatish. Tizimga mos boʻlmagan oʻyinchi yoʻq qilinadi”,- degan Medvedev.
