Chavushogʻlu Masjid ul-Aqso masalasida AQSh yechimini olgʻa surdi
Islomiy hamkorlik tashkilotiga aʼzo davlatlarning tashqi ishlar vazirlari Masjid ul-Aqsoga doir soʻnggi hodisalarni muhokama qilish uchun Turkiyaning talabi bilan Istanbulda toʻplandi. Uchrashuvdan soʻng berilgan yakuniy bayonotda “Isroil”ning soʻngi paytdagi provokatsion harakatlari “qattiq” tanqid ostiga olindi. Majlisda nutq soʻzlagan Saudiya Arabistoni Tashqi ishlar vaziri Adil al-Jubayr “Isroil”ning falastinliklarga nisbatan nohaq amaliyotlari oqibatida yuzaga kelayotgan tanglikni “olovga sepilayotgan benzin”ga oʻxshatib, “Bu harakat ishgʻol ostida qolgan Falastindagi vaziyatni yanada murakkablashtiradigan jarayondir”, dedi.
Majlisga raislik qilgan Turkiya tashqi ishlar vaziri Mevlut Chavushogʻlu esa oʻzining bayonotida Falastin muammosining haqiqiy yechimi sifatida AQSh tarafidan belgilangan “ikki davlat” yechimini olgʻa surdi. Shuningdek Chavushoʻgʻli yigʻilishda hozir boʻlganlarni Falastin davlatini tan olishga chaqirdi.
“Biz shuni hech qachon unutmasligimiz kerakki, Bizning bir birimizga dushmanligimiz Islom dushmanlarini quvontiradi. Kurashimizni xalqaro maydonda yanada yaxshiroq tarzda namoyish qilishimiz lozim. “Ikki davlat yechimi” oʻta muhimdir. Tinchlik jarayonini jonlantirishni qoʻllab-quvvatlaymiz. Biroq, qonun va xolislik boʻlmay turib, doimiy tinchlikka erishib boʻlmaydi. Millionlagan falastinliklarni quruq soʻzlar bilan emas, harakatlarimiz bilan qoʻllab-quvvatlaylik. 1967 yilgi chegaralar doirasida poytaxti Sharqiy Quddus boʻlgan Falastin davlati yuzaga kelishi lozimdir. Haram ush-Sharifga qoʻyilgan har qanday taʼqiq va cheklovlarni qabul qilib boʻlmaydi. Islomiy hamkorlik tashkiloti sifatida buni nazorat qilib turamiz va bu kurashda falastinlik birodarlarimiz yonida boʻlamiz”, dedi Chavushoʻgʻli.
Turkiston:
Chavushoʻgʻli Masjid ul-Aqso borasida mustamlakachi Buyuk Britaniyaning “yagona davlat” loyihasiga qarshilik sifatida AQShning “ikki davlat” yechim loyihasini asos qilib koʻrsatmoqda. U Falastin davlatini tan olishga chaqirishi bilan bosqinchi Isroil davlatini ham tan olishga chaqirgan boʻlyapti. Bu esa Isroil tomonidan bosib olingan Islom yerlaridan yahudlar foydasiga voz kechish demakdir.
Aslida Islom oʻlkalarining rahbarlari bir joyga toʻplanib Isroilga qarshi “harakatga kelish” haqida soʻz yuritganda yahud davlati qaltirab qolishi kerak edi. Ammo bunday boʻlmadi. Isroil pinagini buzmay, zulmini davom ettiryapti. Chunki bu toʻplanishda Islom oʻlkalarining rahbarlari quruq tanqidlardan nariga oʻtmasligini va Turkiya tashqi ishlar vazirining “Millionlagan falastinlikni quruq soʻzlar bilan emas, harakatlarimiz bilan qoʻllab-quvvatlaylik” degan soʻzi Isroilga qoʻshin tortiib, yahud vujudini yer bilan yakson qilishni emas, balki oʻsha isroil tarafdori boʻlgan xalqaro tashkilotlar va katta davlatlarga “murojaat qilish”dan nariga oʻtmasligini yaxshi biladi.
