Rossiya (nasib qilsa) Suriyada yana 50 yil qolishni koʻzlamoqda
Rossiya Prezidenti Vladimir Putin Rossiya qoʻshinlari uzoq muddat Suriyada qolishi nazarda tutilgan bitimga imzo chekdi. Bitimga binoan, Rossiyaning havo bazasi yana 50 yil davomida Suriyada faoliyat yuritadigan boʻldi.
Oʻtgan yanvar oyida Rossiya va Suriya oʻrtasida Damashqda imzolangan shartnoma boʻyicha Suriyaning Latakiya viloyatida joylashgan Rossiyaning Hmeimim harbiy havo bazasi Asad kuchlariga imkoniyatlar yaratib berganligi haqida xabarlar tarqagan edi. Xabarda aytilishicha, Suriya rejimiga qarashli kuchlar muxolif kuchlarga qarshi havo hujumlarini uyushtirish uchun Rossiyaning Suriyadagi harbiy havo bazasidan foydalangan.
Hukumatga qarashli rasmiy axborot portalining xabar qilishicha, Rossiya prezidenti Chorshanba kuni shartnomani tasdiqlagan. Mazkur bitim joriy oyning boshida har ikki davlatning hukumat kengashlari tarafidan qoʻllab quvvatlangani aytilmoqda. Shuningdek xabarda aytilishicha, Rossiya kuchlarining Hemeimim havo bazasida 49 yil boʻyicha qolishi va bu muddat 25 yilga uzaytirilishi muhokama qilingan.
Bashar Asad “Sana” axborot agentligi orqali Rossiya hukumatiga “Bu milliy urushda Rus birodarlarimizning yonimizda turganligini Suriya halqi unutmaydi”, deya tashakkur bildirdi.
