Turkiyaning harbiy aralashuvidan koʻzlangan maqsad, Shom qoʻzgʻolonini boʻgʻizlab, tugatishdir
Shubhasiz, turk rejimi Shom qoʻzgʻoloni hodisalari jarayonida barcha darajadagi asosiy rolga ega boʻlib keldi. Bu rejim eng avvalo qoʻzgʻolonni bitirish, qolaversa boshlangandan beri uni zaharlash maqsadida kofir Gʻarb qoʻlidagi samarali qurol sifatida xizmat qildi. U oʻynagan rollarni juda koʻp sohada koʻrish mumkin, masalan, qoʻzgʻolonchilarni boʻgʻzidan olish, irodalaridan mahrum qilish hamda ularning qarorlari ustidan nazorat oʻrnatib, Amerika istayotgan siyosiy yechimga undash kabi. Turk rejimi ushbu muborak qoʻzgʻolon boshlangan ilk paytlardayoq Asad armiyasidan boʻlinib chiqqan zobitlarni jilovlashga urindi, ularni xuddi qamoqlar kabi chodirlarda saqladi. Buni jang maydonidan ularni uzib qoʻyish, binobarin, ularning qobiliyatlaridan foydalanish maqsadida qildi. Bundan tashqari, turk rejimi jangchi guruhlarni ham juda koʻp yoʻllar bilan oʻziga ogʻdirib keldi, asosan, iflos siyosiy mablagʻ orqali oʻziga ogʻdirdi. Bu uslub guruhlarni boʻlinib ketishi va bir-biri bilan qirpichoq boʻlishiga katta hissa qoʻshdi. Shuningdek, ularni oʻz nazorati ostiga olib, faqat shu rejim qarorlari bilan harakatlanadigan qilib qoʻydi. Bunday nopok ishlar oqibatida guruhlar shu ilmoniy rejim oʻzi istagan tomonga yoʻllaydigan qurolga aylanib qolishdi. Halabni togʻut qoʻliga topshirish, Riyoz va Ostona konferentsiyalarida qatnashish, uning natijalarini tatbiq qilish hamda bufer zonalar yaratish bitimi va uning natijalarini tatbiq qilish, qoʻzgʻolonchilar kurashini yoʻldan urish uchun Furot qalqoni, degan narsani uyushtirish… bularning barchasi mana shu turk rejimi harakatlari “samara”laridir.
Mana, bugun turk rejimi Shom qoʻzgʻolonini bitirib tugatish yoʻlida davom etib, Idlib hamda qoʻzgʻolonning sabot-matonat qalʼasi boʻlgan Halab atroflaridagi ozod etilgan mintaqalarga kirishga tayyorlanyapti. Albatta, Turkiya rejimining bu harbiy aralashuvidan na mazlumlar va boshpanasiz qolganlarga yordam berish koʻzlangan va na toʻkilayotgan pokiza qonlarni toʻxtatish. Aksincha, bu rejim oʻzining Injirlik havo bazasini salibchi kuchlar samolyotlariga ochib berish bilan ana shu toʻkilgan qonlarga javobgarlardan biriga aylandi. Chunki ichlari gina-adovatga toʻla boʻlgan salibchi kuchlar oʻzlarining gʻazablarini shu bazadan samolyot uchirish orqali, Shom ahlini qirgʻinbarot qilish bilan qondirishdi. Biz turk armiyasi Suriyaga haqiqiy nusrat-yordam berish uchun kiradi, zulmga barham berib, zolimlarni tiyadi, Allohning hukmini barpo etadi, Islom va musulmonlarni qutqaradi, degan umidda edik. Biroq achchiq haqiqat Turkiya aralashuvini ham, turk rejimi mohiyatini ham, uning soxta iddiolarini ham fosh etmoqda. Yaʼni bu rejim AQShning Shom qoʻzgʻolonini va u yerdagi xolis musulmonlarni yoʻq qilish maqsadidagi siyosiy yechimini amalga oshirishdan boshqa maqsadda kirmagani yaqqol ayon boʻldi. Shunday ekan, musulmon birodarlar, bu rejimning yolgʻon koʻz yoshlari va soxta shiorlariga aldanib qolmang, uning ertaga sizni soʻyishi mumkin boʻlgan pichogʻidan ehtiyot boʻling. Bunga oʻxshash insoniylik bilan oʻralgan uslublaru shirin-muloyim gaplar endi hech kimni aldolmaydi. Togʻutlar va yolgʻonchilar odati shu: oʻzlarining yovuz amallarini, chiroyli gaplari bilan yaxshi qilib koʻrsatishadi. Bu xuddi togʻut Firʼavnning Muso Kga nisbatan qilgan qilmishlariga oʻxshaydi. Oʻshanda u oʻz gumashtalariga Musoni men fasodga qarshi kurashish yoʻlida oʻldirmoqchiman, degan yolgʻon daʼvoni qilgandi:
وَقَالَ فِرْعَوْنُ ذَرُونِي أَقْتُلْ مُوسَى وَلْيَدْعُ رَبَّهُ إِنِّي أَخَافُ أَنْ يُبَدِّلَ دِينَكُمْ أَوْ أَنْ يُظْهِرَ فِي الْأَرْضِ الْفَسَادَ
“Firʼavn dedi: “Meni qoʻyinglar, Musoni oʻldiray. (Qani) u Robbiga duo-iltijo qilsin-chi, unga najot berarmikan, darhaqiqat men (Muso) sizlarning diningizni oʻzgartirib yuborishdan yoki yer yuzida buzgʻunchilik avj oldirishdan qoʻrqmoqdaman” [Gʻofir 26]
Ey Shom diyoridagi sobir musulmonlar!
Biz sizga oʻz ahlini aldamaydigan yetakchi hamda yovuzlik maqsadida Ummatimizga qarshi qilinayotgan oʻyin, firibgarchiliklarni fosh qiladigan nasihatgoʻy boʻlishga ahd qilganmiz. Chunki barchamiz bitta kemadamiz, sizdan kemamizni qutqarib qolib, uning oʻz maqsadiga yetib olishiga sababchi boʻlasiz, degan umidda shunday qilyapmiz. Bas, yo hammamiz najot topamiz yoki hammamiz halokatga uchraymiz. Oldimizda Allohning mustahkam arqonini mahkam ushlashdan oʻzga chora qolmadi. Buning uchun avval kofir Gʻarb va uning malay hukmdorlariyu rejimlari arqonini uzib tashlashimiz kerak hamda oʻz islomiy aqidamizdan balqib chiqqan aniq siyosiy loyiha atrofida birlashib, barcha ishlarda Alloh Subhanahu va Taoloning amriga itoat qiluvchi ongli siyosiy yetakchilikka ergashishimiz lozim.
يَا أَيُّهَا الَّذِينَ آَمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ وَاعْلَمُوا أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ
“Ey moʻminlar, Alloh va Uning Rosuli sizlarni abadiy hayot beradigan narsaga (yaʼni, dinga) daʼvat qilar ekan, uni qabul qilinglar va bilinglarki, shubhasiz, Alloh har bir kishi bilan uning qalbi oʻrtasini egallab turur va shubhasiz, Uning huzuriga toʻplanursizlar” [Anfol 24]
Hizb ut-Tahrir-Suriya viloyati matbuot boʻlimi
Skype: TahrirSyria
Elektron pochta: media@tahrir-syria.info – ahmadabdalwahab2@gmail.com
Suriya viloyati rasmiy sayti: www.tahrir-syria.info
