AQSh Davlat kotibi Istanbulda
AQSh Davlat kotibi Reks Tillerson ikki kunlik tashrif bilan Turkiyaga yoʻl oldi. Istanbulda ilk bor 22 – jahon neft kongressiga ishtirok etgan Tillerson oʻzining nutqida Turkiya-AQSh hamkorligiga toʻxtaldi. Tillersonninig taʼkidlashicha, AQSh ulkan energiya xavfsizligi borasida strategik mintaqada joylashgan Turkiya bilan hamkorlik qilishni davom ettirishi lozim.
“Joʻgʻrofiy jihatdan muhim yerda joylashgan Turkiya yirik energiya xavfsizligini taʼminlash uchun muhim hamkor hisoblanadi. AQSh global energetika xavfsizligini oshiradigan Janubiy gaz koridori va Sharqiy Oqdengiz gazi kabi loyihalar ustida birgalikda ishlash uchun jiddiy faoliyat olib bormoqda. Ushbu loyihalar Yevropaning energiya manbalarini diversifikatsiya qilish imkonini beradi va energiya xavfsizligini yaxshilaydi”, dedi Tillerson.
Tillerson Turkiya tashqi ishlar vaziri Mevlut Chavushoʻgʻlidan soʻng Turkiya prezidenti Rajab Toyyib Erdugʻon bilan uchrashdi. Uchrashuv tafsilotlari haqida hanuz biror bayonot berilmadi. Ammo “Anadolu” axborot agenligiga koʻra, Tillerson Turkiyalik hamkasbi bilan ikki muhim masala, yaʼni Suriya va Qatar masalasini muhokama qilgan. 21-asr Turkiya institutining rahbari Jahit Armagʻan Dilek “Amerika ovozi”ga bergan intervьyusida uchrashuvning asosiy moddalaridan biri Suriya masalasi ekanligini bildirdi.
