Si Tszinьpin rasmiy tashrif bilan Moskvaga keldi
Xitoy xalq respublikasi (XXR) raisi Si Tszinьpin Rossiya prezidenti Vladimir Putinning taklifiga koʻra, rasmiy tashrif bilan Moskvaga keldi. XXR yetakchisining maxsus borti dushanba kuni Moskva shahridagi Vnukovo aeroportiga qoʻndi.
Aeroportda Si Tszinьpinni RF TIV rahbari oʻrinbosari Igorь Morgulov, RFning XXRdagi elchisi Andrey Denisov va XXRning RFdagi elchisi Li Xuey kutib olishdi.
XXR raisining ishonch bildirishicha, mazkur tashrif doirasida Rossiya va Xitoy yangicha kelishuvlarga erishishadi.
“Ishonchim komilki, mazkur tashrif gʻoyatda samarali boʻlib, u ikki mamlakat oʻrtasidagi keng qamrovli hamkorlik va strategik sheriklik munosabatlarining barqaror rivojlanishiga turtki beradi”, – deya taʼkidladi XXR raisi.
Bu Si Tszinьpinning Rossiyaga davlat rahbari sifatidagi oltinchi tashrifidir. 4 iyulь kuni XXR raisi Vladimir Putin bilan muzokaralar oʻtkazadi. Rossiya prezidenti matbuot kotibi Dmitriy Peskovning maʼlum qilishicha, rahbarlar shuningdek jamoatchilik, ishbilarmon doiralar va ikki mamlakatning mediahamjamiyati vakillari bilan ham uchrashishadi.
Shu kunning oʻzida xitoy yetakchisi RF bosh vaziri Dmitriy Medvedev bilan ham uchrashib, u bilan savdo, investitsiya, infratuzilma, sanoat, qishloq xoʻjaligi sohalaridagi ikki tomonlama hamkorlik masalalarini muhokama qiladi.
