Musulmonlar qalqoni boʻlgan Imom yoʻqligida eng yaxshi oy Mosul bolalari gʻamga va qoʻrquvga tushgan bir paytda kirib keldi
BMTning bolalar jamgʻarmasi (YuNISEF), Iroq kuchlari bilan Davlat tashkiloti oʻrtasida yuz berayotgan janglar tufayli Mosul shahrining gʻarbiy tomonida yuz ming bola hayoti xavf ostida qolishidan xavotirlanayotganini aytib chiqdi. Jamgʻarma 2017 yil 6 iyunda chiqargan hisobotga koʻra, eski shaharda va Mosul gʻarbidagi boshqa mintaqalarda taxminan yuz ming nafar yigit-qiz hanuz gʻoyatda xavfli sharoitda qolgan va ulardan bir qanchasi otishmaga nishon boʻlgan. Jamgʻarmaning taʼkidlashicha, bolalar hayoti xavf ostida, chunki ular oʻldirilmoqda, oʻqqa nishon boʻlmoqda va ulardan jonli qalqon sifatida foydalanilmoqda. Jamgʻarma oʻz bayonotida ularning baʼzi holatlarda jangda va zoʻrovonliklarda ishtirok etishga majbur qilinayotganiga eʼtiborni tortadi.
Yunisef ogohlantiruvlari Iroqdagi xalqaro immigratsiya tashkiloti vakili Sandira Blek ogohlantiruvlari bilan mos keladi. Chunki u ham Mosul gʻarbidagi eski shaharda 180 mingdan ortiq fuqaro qamalda qolganini aytgan edi. Unga koʻra, fuqarolar havo hujumlari va snayperlik amaliyotlari oqibatida yoki ulardan jonli qalqon sifatida foydalanishi oqibatida oʻlimga uchramoqdalar.
Iroq kuchlari va Amerika boshchiligidagi koalitsiya kuchlari Davlat tashkilotidan Mosulni qaytarib olib uni ozod qilish daʼvosi bilan boshlagan bu jangning boshlanganiga yetti oy boʻldi. Yetti oydirki bu urush badalini fuqarolar, xususan ayollar va bolalar toʻlamoqda. Hatto Mosul aholisi jasadlari dafn qiluvchi odam yoʻqligidan koʻchalarda qolib ketmoqda. Misol uchun Zanjiyli mahallasida xuddi shunday ahvolni koʻrish mumkin. Ayni paytda yaradorlar soni ham yuzdan ortib ketgan. Ularga yetib borish qiyin boʻlgani uchun yaradorlarning aniq sonini belgilash yordam koʻrsatuvchi tashkilotlarga qiyin boʻlmoqda. Bundan tashqari yuz minglagan fuqaro Davlat tashkiloti bilan Iroq kuchlari oʻrtasida qamalda qolgan. Bu holat yuz ming bola hayotini xavf ostida va oʻt ichida qoldirdi. Chunki ular yaralanmoqda, ulardan jonli qalqon sifatida foydalanilmoqda. Qolaversa, ayrim hollarda ular jangda ishtirok etishga majbur qilinmoqda. Yunisef Gʻarbiy Mosulning qamalda qolgan mintaqalaridagi bolalar holati haqida bergan oʻz hisobotida “Bolalar ogʻir sinovga uchramoqda va inson guvoh boʻlishni istamaydigan dahshatli zoʻravonlikka guvoh boʻlishmoqda” deya keltiradi.
Bundan tashqari infrastrukturalar, jumladan uy joylar, shifoxona va maktablar vayron boʻlgan. Albatta bu fuqarolar hayotiga bevosita taʼsir qiladi va fojeaviy vaziyatni yanada kuchaytiradi. Lagerlardagi qochoqlar azob-uqubati ham bu qiyinchiliklarga qoʻshimchadir.
Ey musulmonlar:
Musulmonlar tarixida Badr, Ayn Jolut, Xittin kabi hal qiluvchi janglar hamda Umuriya fathi shu muborak Ramazon oyida boʻlganini eslaymiz. Bu janglardan boshqa bir qancha janglar ham shu oyda boʻlgan. Bu janglarda yurtlar fath qilinib Islom sultonligiga boʻysundirilgan va musulmonlar dunyoni boshqarishgan. Shunday gʻalabalar yuz bergan shu muborak Ramazon oyida yuqorida keltirilgan ogʻir ahvollar yuz berishi Allohga qasamki qalbni oʻrtaydi. Ha, ushbu gʻalabalar oyida oʻsha hal qiluvchi janglarni eslab turib musulmonlar yurtlarida mustamlakachilarga xizmat koʻrsatish uchun boʻlayotgan urushlar va janglar haqida gapirish qalbimizni oʻrtaydi. Oʻzimizga mansub odamlar qoʻli bilan boʻlayotgan bugungi urushlar mustamlakachining nufuzini kuchaytirmoqda, bu urushlarda musulmonlar qoni toʻkilmoqda va hurmati toptalmoqda. Bu odamlar Iroq va Shomda sovuqqonlik bilan begunoh kishilarni oʻldirib, soʻng buning xato boʻlganini aytib maqtanayotgan Amerikani doʻst tutdilar va Islom va musulmonlarga qarshi urushda u bilan ittifoq tuzdilar. AQSh armiyasi 2017 yil 6 iyun juma kuni bergan bayonotida, Amerika boshchiligidagi koalitsiyaning Islomiy Davlat tashkilotiga qarshi zarbalarida 2014 yildan buyon kuchliroq ehtimolga koʻra 484 nafar fuqaro oʻldirilganini aytib chiqdi. Bu ochiq eʼtirof etilgani, yashirilgani esa bundan koʻp. Islom Ummati shu qadar xorlikka tushdimi, shu qadar zaiflashdimi?!
Ey musulmonlar:
Rosululloh A aytadilar:
“إِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ”
“Imom qalqondir, uning ortida turib jang qilinadi va u bilan himoyalaniladi”. Biz bugun qalqon boʻlgan shu imomni yoʻqotdik. Imom qalqondir, chunki u paygʻambarlik minhoji asosidagi roshid Xalifalik soyasida bizni boshqaradi, musulmonlar jonini saqlab qoladi, hurmatini himoya qiladi, bosib olingan yurtlarini va muqaddas joylarini qaramlikdan ozod qiladi. Shuningdek u Islomni adolat, nur va hidoyat risolasi sifatida butun bashariyatga yetkazadi, bashariyatni demokratiya va kapitalizm fojealaridan xalos qiladi.
Ey musulmonlar, biz sizlarni ushbu imomni tiklash uchun jiddiy harakat qilishga chaqiramiz. Paygʻambarlik minhoji asosidagi roshid Xalifalikni tiklash uchun Hizb ut-Tahrir bilan birga harakat qilishga shu muborak Ramazon oyida yoʻlga tushib Alloh Subhanahu va Taologa yaqinlashing. Chunki bunda Allohning izni ila dunyo va oxirat azizligi bor.
Hizb ut-Tahrirning markaziy matbuot boʻlimi ayollar qismi
telefon-faks: 00961 1 30 75 94
uyali telefon: 00961 71 72 40 43
elektron pochta: ws-cmo@hizb-ut-tahrir.info
