1993 yildan buyon birinchi marta Oʻzbekistonga tashrif buyurgan Birlashgan Millatlar Tashkilotining Inson huquqlari boʻyicha oliy komissari Zayd Raʼad Al Husayn Markaziy Osiyoda “radikal islomchilar”ga qarshi bosimni kuchaytirish yaxshi natija bermasligini bidirdi. Zayd Raʼad Al Husayn BMTning Oʻzbekistonga yaqinlashuvini mamnuniyat bilan qabul qilar ekan, Markaziy Osiyoda kuchayib borayotgan islomiy radikalizm (siyosiy Islom) tahdidiga qarshi “repressiv siyosat”dan tiyilishga chaqirdi.
BMT vakili Oʻzbekiston Prezidenti Shavkat Mirziyoyevning adliya tizimini qayta koʻzdan kechirib chiqish rejasi va diniy ekstremizmga qarshi chora tadbirlarni oʻz ichiga olgan islohot rejalariga ham toʻxtalib oʻtdi. Husaynning taʼkidlashicha, hukumat individual huquqlarni taʼminlash orqali muvozanatni saqlashi juda muhim ahamiyatga egadir.
“Boshqa mamlakatlarda boʻlgani kabi, radikallashuv xavfiga qarshi kurash xavfsizlik chora-tadbirlarini ortiqcha darajada kuchaytirish va radikal Islomchilarga qarshi repressiv siyosat bilan boʻlmaydi. Bunday harakat ekstrimizm uchun yangi-yangi tarafdorlarni kasb qilish imkonini osonlashtiradigan gʻazab va umidsizlikni vujudga keltiradi”, dedi Husayn.
Matbuot brifingida Andijon voqealarini “dahshat”, deya baholagan oliy komissar “Oldinga intilish muhim boʻlsa-da, oʻtgan voqealar bilan yuzlashishni hamda oʻsha voqealarda qurbon boʻlganlarni unutmaslik va ulardan zulmni ketkazish muhim ahamiyatga egadir”, dedi.
Husayndan Oʻzbekiston prezidenti bilan yarim soatlik intervyusi haqida soʻralganda, “Juda koʻp mushtarak nuqtalarda hamfikr boʻldik. Bu yigʻilish aniq qadamlar tashlashga doir bitimlarga erishishga yoʻl ochdi, deb ayta olman”, deya javob berdi.
