“RIA Novosti” xabar qilishicha, 3 may kuni Qozogʻiston poytaxti Ostona shahri Suriya boʻyicha ikki kunlik xalqaro muzokaralarga mezbonlik qiladi. Muzokaralar yopiq eshiklar ortida ikki tomonlama maslahatlashuvlar boshlanadi, deb xabar qilmoqda .
Ostonada Suriya muammosiga bagʻishlangan uch bosqich muzokaralar 23-24 yanvarь, 15-16 fevralь va 14-15 mart kunlari muvaffaqiyatli boʻlib oʻtgandi. Ularning asosiy natijasi Suriyada oʻt ochishni toʻxtatishni monitoring qilish boʻyicha qoʻshma operativ guruh nizomini kelishib olish boʻldi.
May oyi muzokaralarining eʼtiborli jihati qurollangan muxolifat vakillarining ishtirok etishi boʻlishi lozim edi. Ular muzokaralarning uchinchi bosqichida ishtirok etishdan bosh tortishgan edi. Rossiya va Qozogʻiston tashqi ishlar vazirliklari muxolifat vakillari toʻrtinchi bosqich muzokaralarda qatnashishiga umid bildirgandi.
Qozogʻiston TIV maʼlumotlariga koʻra, Suriya qurollangan muxolifati delegatsiyasi Muhammad Allush yetakchiligida Ostonaga yetib kelgan. Delegatsiyadan 16ta turli guruhlar vakillari oʻrin olgan. Suriya hukumatining delegatsiyasi mamlakatning BMTdagi doimiy vakili Bashar Jaʼfariy rahbarligida 1 may kuni kechqurun Ostonaga yetib kelgan.
Shu bilan birga, yangi muzokaralarda AQShning kuzatuvchi maqomida qatnashish darajasi oshirilgan.
“AQSh delegatsiyasi rahbari sifatida ilk marotaba AQSh davlat kotibining Yaqin Sharq ishlari boʻyicha yordamchisi Styuart Jons qatnashadi”,- deyiladi Qozogʻiston TIV xabarida.
Bulardan tashqari, Ostona muzokaralarida BMT bosh kotibining Suriya boʻyicha maxsus elchisi Staffan de Mistura hamda Iordaniya tashqi ishlar vazirining siyosiy masalalar boʻyicha maslahatchisi Nauaf Vasfi ham keladi. Iordaniya ham AQSh kabi kuzatuvchi maqomida.
Qozogʻiston TIV xabariga koʻra, Suriyadagi sulh kafolatlari boʻluvchi davlatlar oʻzlarining eng yuqori lavozimli vakillarini yuborishgan. Rossiya delegatsiyasiga prezident Putinning Suriya boʻyicha maxsus vakili Aleksandr Lavrentьev, Turkiya vakillariga tashqi ishlar vazirining Yaqin Sharq masalalari va Afrika boʻyicha oʻrinbosari Sedat Oʻnal, Eron delegatsiyasiga tashqi ishlar vazirining arab-afrika ishlari boʻyicha oʻrinbosari Husayn Jabariy Ansoriy rahbarlik qiladi.
Suriya muxolifatidagi manbaning soʻzlariga koʻra, Rossiya tomoni Suriyada keskinlikni pasaytirish boʻyicha 4ta hudud tashkil etishni taklif etmoqda. Bular Idlib viloyati, Xoms shahridan shimoliy hududlar, Sharqiy Gute va mamlakat janubida shunday maxsus hududlar tashkil etilishi mumkin.
