Tramp Xitoyga tahdid qildi
AQSh prezidenti Donald Tramp Shimoliy Koreyaning yadroviy dasturi haqida gapirib, bu borada Xitoyga tahdid qildi. Trampga koʻra, agar Pekin maʼmuriyati Shimoliy Koreya yadroviy tahdidini bartaraf qilmasa, Amerika Qoʻshma Shtatlarining yolgʻiz oʻzi bu muammoni hal qiladi.
“Xitoy Shimoliy Koreya masalasini hal qilmasa, biz hal qilamiz”, “Xitoyning Shimoliy Koreyaga ulkan taʼsiri bor. Xitoy bu borada, yo bizga yordam beradi yoki yordam bermaydi. Agar yordam bersa, bu Xitoyning oʻzi uchun yaxshi boʻladi. Agar yordam bermasa hech kimga yaxshi boʻlmaydi”, deya dagʻdagʻa qildi Tramp.
Oʻtgan oy AQSh davlat kotibi Reks Tillerson Xitoyga safar qilib, Shimoliy Koreyadan kelishi mumkin boʻlgan tahdidlarni kamaytirish uchun qadam tashlashni Pekin hukumatidan talab qilgan edi.
AQShning BMTdagi doimiy vakili Nikki Haley ham AVS telekompaniyasiga bergan intervyusida Xitoyning “tashvishdamiz” degan bahonalarini qabul qilmasligini bildirdi.
“Nima sababli tashvishga tushganligini bizga isbotlab berishlari lozim. Shimoliy Koreyani toʻxtata oladigan yagona davlat Xitoydir va ular buni bilishadi”, deya taʼkidladi Haley.
AQSh prezidenti Donald Trampning ushbu haftada Xitoy prezidenti Si Tszinьpin Bilan uchrashishi kutilmoqda. Nikki Haleylining maʼlum qilishicha, Donald Tramp va Si Tszinьpin oʻrtasida boʻlib oʻtadigan uchrashuvda yadro qurolining tarqatilmasligi va Shimoliy Koreyaga oid masalalar koʻrib chiqiladi.
