Hizb ut-Tahrir markaziy matbuot boʻlimi ayollar qanoti Indoneziyadagi hizbiya ayollar bilan hamkorlikda “Xalifalik va taʼlim: oltin asrni qaytarish” nomli muhim xalqaro ayollar konferentsiyasini muvaffaqiyatli oʻtkazdi
2017 yil 11 mart shanba kuni Hizb ut-Tahrir markaziy matbuot boʻlimi ayollar qanoti Indoneziyadagi hizbiya ayollar bilan hamkorlikda poytaxt Jakartada “Xalifalik va taʼlim: oltin asrni qaytarish” nomli muhim xalqaro ayollar konferentsiyasini oʻtkazdi. Islomiy olamga oʻzining salbiy taʼsirini oʻtkazib kelayotgan xatarli taʼlim siyosati krizisini hal qilish va uning sabablarini ochib berish maqsadida uyushtirilgan ushbu konferentsiyada bir necha davlatlardan va Indoneziyaning turli burchaklaridan tashrif buyurgan 1700ga yaqin nufuzli muslimalar ishtirok etdi. Unda taʼlim sohasidagi oʻqituvchi-muallimalar, maktablar boshqaruvchilari, jurnalistlar, akademiklar, tadqiqotchilar, universitet talabalari, talaba qizlar faollari va bir qancha tashkilotlar vakillari qatnashdi. Unda Indoneziya, Falastin, Turkiya, Tunis, Fors Koʻrfazi davlatlari, Malayziya, Birlashgan Qirollik, Gollandiya va Britaniyadagi Hizb ut-Tahrir aʼzolari nutq soʻzladilar. Konferentsiya gʻoyat qizgʻin muhitda oʻtdi, ayniqsa, ishtirokchilar baland ovozlari bilan hayqirib, bugun ilmoniy tuzum davrida butun islomiy olamdagi taʼlim masalasida paydo boʻlgan togʻ-togʻ muammolarni toʻla bartaraf etadigan hamda mintaqada birinchi darajadagi taʼlim tizimini taʼsis etishga qodir boʻlgan Paygʻambarlik minhoji asosidagi roshid Xalifalik davlatini zudlik bilan barpo etish uchun harakat qilishga chaqirdilar. Soʻzga chiqqanlar gʻayrimusulmon hukumatlar tomonidan musulmonlar farzandlarini taʼlim orqali ilmoniylashtirish va islomiy shaxsiyalarini vayron etish uchun olib borilayotgan harakatlardan ularni himoya qilish zarurligini qattiq taʼkidladilar. Butun dunyodagi tomoshabinlar uchun toʻgʻridan-toʻgʻri efirga uzatib borilgan ushbu katta tadbirda taʼlim sohasida yuksak sharaf va nufuzga ega boʻlgan ayollar ishtirok etib, unda aytilgan fikrlarni qoʻllab-quvvatladilar. Ushbu tadbirda turli axborot vositalari ishtirokidagi matbuot konferentsiyasi ham boʻlib oʻtdi.
Konferentsiyada qilingan nutqlarda bayon qilinishicha, islomiy yurtlardagi taʼlim tizimiga boʻlgan ilmoniy kapitalistik koʻz-qarash shunday bir taʼlim tizimini shakllantirdiki, unda oʻquvchilar islomiy shaxsiyalari barkamol, hayotiy mahoratlari yetuk hamda istak-talablari maʼrifat sari yoʻllanib, shu orqali oʻz jamiyatlari ehtiyojlariga xizmat qiladigan tarzda tarbiyalanmay, balki ish va muvaffaqiyatlarini mehnat bozoridagi qiymatiga qarab oʻlchaydigan qilib tayyorlanmoqda. Taʼlim sohasida juda yomon tartib-intizom oʻrnatilganini va unga juda oz mablagʻ ajratilganini aytmasak ham boʻladi. Bundan tashqari, qoloq mustamlakachilik asoslaridan olingan taʼlim dasturini zoʻrlab tiqishtirilgan boʻlib, bundan bizning kelajakdagi islomiy avlodimizni qul qilib, Gʻarbning buzuq ilmoniy saqofatiga qaram qilish koʻzlangan. Darvoqe, taʼlim krizisining asosi ham mana shu taʼlim dasturidir. Soʻzga chiqqanlar – biz birinchi darajali taʼlim tizimini yaratishimiz uchun birinchi darajali siyosiy tizimga, yaʼni Islom asoslariga tayangan Paygʻambarlik minhoji asosidagi roshid Xalifalikka muhtoj ekanimizni bayon qildilar. Bu bilan konferentsiya Xalifalik davlatidagi taʼlim siyosatini oʻrtaga tashladi. Zero, buning tafsiloti Hizb ut-Tahrirning “Xalifalik davlatida manhajiy taʼlim asoslari” kabi turli xil nashrlarida keltirilganini taʼkidladilar.
Shuningdek, konferentsiyada Xalifalik davlati taʼlim sohasida mumtoz islomiy shaxsiyalar bilan din va aniq fanlarda eng aʼlo bilimdon boʻlgan oʻquvchilarni yetishirib chiqaradigan mustaqil nazariyani qabul qilishi taʼkidlandi. Ayni mana shu narsa taʼlim va akademiya sohasida son-sanoqsiz tadqiqotchi olimlar yetishib chiqishiga olib keladi. Natijada, sanoat, qishloq xoʻjaligi, iqtisodiyot, armiya, ilm-fan, texnologiya kabi turli sohalar bilan taʼlim tizimi oʻrtasida mustahkam aloqa paydo qilinib, buni amalga oshirish uchun Ummatning yuqori saviyadagi aqllari va mahoratlari safarbar etiladi. Bu oʻz navbatida, Islom davlatining oʻz-oʻzini taʼminlashini kafolatlaydi, rivojlanishda boshqa xalqlarga tayanishdan behojat qiladi, islomiy yurtlarning musulmon aqllardan ajrab qolishiga chek qoʻyadi. Bundan tashqari, davlat oʻzining har bir fuqarosini mumtoz taʼlim bilan taʼminlashni oʻzining islomiy vazifasi deb biladi, dunyoga islomiy sistema bilan yetakchilik qilishga intilish bilan bir qatorda, birinchi navbatda taʼlim sohasiga ulkan mablagʻ ajratadi. Shu jumladan, olamshumul yuqori taʼlim tizimini barpo etishga, tadqiqotga, ixtisoslashgan inshootlarga sogʻlom islomiy iqtisod nizomi asosida mablagʻ ajratadi.
Soʻzga chiqqanlar Xalifalik davlati ayollar taʼlimi masalasida dunyoga yetakchilik qilishini, shuningdek, taʼlimda ilmga chanqoq, ijodkor tahlilchi aqllar bino etilishiga olib keluvchi uslublardan foydalanishini taʼkidladilar. Bunday benazir islomiy taʼlim tizimi orqali Xalifalik davlati oʻzining dunyodagi taʼlim markazi boʻlgan oʻrnini qayta qoʻlga kiritishga muvaffaq boʻladi. Natijada, tadqiqot, yangilik yaratish va ilmiy kashfiyotlarda oltin madaniyat bunyod etiladi.
Shuningdek, konferentsiyada islomiy shaxsiyalarni yaratishda va bolalarning oʻz atrof muhitlari bilan munosabatda boʻlishlarida maktabgacha boʻlgan taʼlimning nechogʻli ahamiyatli ekani ham munoqasha qilindi. Taʼlim, ijtihod, dinni tushunish va Islomning buyukligini qaytarish bilan arab tili oʻrtasidagi mustahkam aloqa bayon qilindi.
Konferentsiyaning soʻnggi soʻzida bugun Islom davlati yoʻq paytda oʻz dinlari yuz tutayotgan muammolarga qarshi turish yoʻlida kuchli islomiy shaxsiya bilan qurollangan musulmon yoshlarni yaratish uchun qanday qilib islomiy taʼlim tashkil qilish mumkinligi bayon qilindi.
Konferentsiyadan oldin 2017 yil 10 mart juma kuni ajoyib koʻrgazma tashkil qilindi. Unda Indoneziyaning turli burchaklaridan 2500 nafar xotin-qizlar, jumladan, Jakarta va uning atrofidagi beshta shahardagi maktab oʻquvchi qizlari hozir boʻldi.
Shuningdek, konferentsiya va undagi koʻtarilgan mavzular haqida video lavhalar tayyorlangan boʻlib, ularda bugun islomiy taʼlim tizimini yaratish va gʻarbcha taʼlim dasturining omadsizligiga doir munozaralar oʻrin olgan.
Ushbu xalqaro konferentsiya, koʻrgazma va undan oldingi boshqa kampaniyalar taʼlim, Islom va Xalifalik mavzusida uch hafta davom etdi. Allohga hamd boʻlsinki, bu tadbirlar musulmonlar va dunyo uchun qanday qilib manfaatli taʼlim namunasi tashkil etishga oid ulkan munozaralarga oʻz hissasini qoʻshdi.
Konferentsiya va koʻrgazmada qilingan nutqlar hamda fotosurat va video lavhalar bilan tanishish uchun quyidagi elektron manzillarga murojaat etishingiz mumkin mumkin:
http://www.hizb-tahrir.info/ar/index.php/dawahnews/cmo/41863.html
www.facebook.com/WomenandShariahA
﴿الَر كِتَابٌ أَنزَلْنَاهُ إِلَيْكَ لِتُخْرِجَ النَّاسَ مِنَ الظُّلُمَاتِ إِلَى النُّورِ بِإِذْنِ رَبِّهِمْ إِلَى صِرَاطِ الْعَزِيزِ الْحَمِيدِ﴾
“Alif, Lom, Ro. (Ey Muhammad, bu Qurʼon) Biz sizga, odamlar Robbining izni-irodasi bilan zulmatlardan nurga — qudrat va hamdu sano egasi boʻlgan zotning yoʻliga — olib chiqishingiz uchun nozil qilgan Kitobdir” [Ibrohim 1]
D. Nasrin Navoz
Hizb ut-Tahrirning markaziy matbuot
boʻlimi ayollar qismi mudirasi
telefon-faks: 00961 1 30 75 94
uyali telefon: 00961 71 72 40 43
elektron pochta: ws-cmo@hizb-ut-tahrir.info
