Xitoy Qirgʻiziston armiyasiga 1 milliard somlik grant beradigan boʻldi
“Sputnik” sayti xabariga koʻra, Qirgʻiziston qurolli kuchlari Bosh shtabi Xitoy Mudofaa vazirligi bilan 100 million yuan (rasmiy kurs bilan 1 milliard som)lik grant olish boʻyicha kelishuvga qoʻl qoʻydi. Bu haqida Bosh shtab matbuot xizmati xabar qilgan.
Kelishuv 22 mart kuni Bosh shtab rahbari Rayimberdi Duyshonbiyevning Xitoyga amalga oshirgan tashrifi doirasida tuzildi.
“Delegatsiyalar ikki tomonlama hamkorlikning rivojlanib borayotganini qayd etib, hamkorlikni yanada mustahkamlashga tayyor ekanliklarini bildirdilar. Tashrif yakunida Bosh shtabga yordam tariqasida 100 million yuan ajratish boʻyicha bitimga qoʻl qoʻyildi”,- deyiladi xabarda.
Hamkorlikdan tashqari tomonlar Shanxay hamkorlik tashkiloti doirasidagi harakatlar, shu jumladan, ekstremizmga qarshi kurash va harbiy kadrlarni tayyorlash masalalari muhokama qilindi.
