Rima Xalaf: BMT Isroilning irqchiligiga koʻz yumib kelmoqda
BMTga oid Gʻarbiy Osiyo Iqtisodiy va ijtimoiy komissiyasining ijrochi kotibi Rima Xalaf oʻz vazifasidan istefo berdi. Uning istefosiga mazkur komissiya tarafidan dalillar asosida taqdim qilingan Isroilning irqchiligi haqidagi hisobot sabab boʻldi.
Komissiyasining ijrochi kotibi Rima Xalaf Livan poytaxti Bayrutda jurnalistlar uchun tashkil qilingan matbuot anjumanida BMT Bosh kotibi Guterres va AQShning BMTdagi doimiy vakili Nikki Haley Isroilni irqchilikda ayblagan hisobotni qaytarib olishlikni talab qilganligi sababli istefo berganligini maʼlum qildi.
“Mana shu hisobot tufayli soʻngi paytlarda menga oʻtkazilayotgan bosimlarni qabul qiladigan darajada emasman. Mening vazifam ochiq-oydin jinoyatni yashirish ekanligini bilganligim uchun istefo bermoqchiman”, dedi kelib chiqishi falastinlik va hozirda Iordaniya fuqarosi boʻlgan Xalaf.
Xalafga koʻra, Isroil tanqid qilingan hisbotni qaytarib olish uchun unga ikki oy oldin buyruq berilgan. BMT Bosh kotibi Guterres va AQShning BMTdagi doimiy vakili Nikki Haley hisobotning darhol qaytarib olinishini qattiq talab qilgan.
Isroilni ochiq-oydin shaklda irqchi davlat sifatida ayblagan mazkur hisobot BMT tarixida birinchi marta yuz bermoqda. Rima Xalaf ilmiy tadqiqotlar yordamida tayyorlangan hisobotda Isroilning Falastin xalqiga qarshi muntazam irqiy kamsitishlari dalillar bilan isbotlab berilganligini bildirdi.
Markazi Livanning poytaxti Bayrutda joylashagan BMTning Gʻarbiy Osiyo Iqtisodiy va ijtimoiy komissiyasi 17 Arab davlatlari, jumladan Misr, Livan, Iordaniya, Iroq va Koʻrfaz hamkorlik kengashi mamlakatlarini oʻz ichiga oladi.
Izoh: BMT va shunga oʻxshash boshqa tashkilotlar mustamlakachi davlatlarning – bugungi kunda AQShning – siyosatiga qonuniy tus berib, amalga oshirib beradigan tashkilotlardir. Shuning uchun BMTning ish yuritish siyosati dunyo siyosatiga taʼsir oʻtkazayotgan davlat tarafidan belgilangan tamoyillardan oʻzgacha boʻlishi mumkin emas. BMT doirasida yuritilgan tadqiqotlar har qancha “tarafsiz, mustaqil” olib borlatyogani daʼvo qilinsa-da, aslida mustamlakachi davlatlarning manfaati uchun xizmat qiladi.
