بسـم الله الرحمن الرحيم
“Navroʻz”ning haromligi aniq boʻldi, lekin…
Navroʻz Fors tilidan olingan boʻlib, “nav” – yangi, “roʻz” – kun degan maʼnoni anglatadi. Bu yangi yil boshlanganini ifodalovchi kun boʻlib, asosan fors va turklardagi qadimgi shirk eʼtiqodlariga aloqador bayram kunidir. 2009 yil 30 sentyabrdan boshlab YuNESKO tomonidan “xalqaro kun” deb belgilandi. Bunday bayram tahminan 2500 yildan koʻproqdan beri mavjud. Bu kun “zardushtiyya” dinida yorugʻlikning zulmatga gʻolib boʻlgan kun sifatida nishonlanadi.
Islom kelib har qanday shirk koʻrinishi boʻlgan but-sanamlarni ahmaqona eʼtiqod ekanligini oshkor qildi. Ammo hozirda “demokratiya” nomi ostida “xohish” degan eʼtiqod insonlarga hukmron boʻlib olgan. Bu ham boshqa but-sanamlardan farq qilmaydi. Alloh Taolo aytadi:
أَرَأَيْتَ مَنْ اتَّخَذَ إِلَهَهُ هَوَاهُ أَفَأَنْتَ تَكُونُ عَلَيْهِ وَكِيلًا أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ إِنْ هُمْ إِلَّا كَالْأَنْعَامِ بَلْ هُمْ أَضَلُّ سَبِيلًا
Xabar bering-chi, kim havoi nafslarini iloh kilib olgan boʻlsa, siz uning ustida vakil-qoʻriqchi boʻlurmisiz?! (Yoʻq, sizning vazifangiz havoi nafsiga qullik qiladigan kimsalarni bu qilmishlaridan saqlash — qoʻriqlash emas, balki faqat Biz sizga yuborgan vahiyni bandalarimizga yetkazmoqdir). Yoki siz ularning koʻplariga (haq soʻzni) tinglay oladilar yo anglay oladilar deb oʻylaysizmi?! (Undoq emas, zero) ular hech narsa emaslar, magar chorva hayvonlari kabidirlar. Yoʻq, ular yanada yoʻldan ozganroq kimsalardir! [25:43,44]
Toʻgʻri, qadimdagi but-sanamlar naqadar puch narsalar boʻlsada insonlar oʻz hayotlarini oʻshalarga asoslaganliklari hozirda oddiy aqllarga ham oshkor boʻlgan yoki ateizmning zamonaviy ilm-fan ahmoqlarining safsatasi ekani fosh boʻlgan boʻlsa ham, lekin “xohish” degan “but”ni, hatto baʼzi bir ahli-ilmlar ham, daʼvatchilar ham aniq ajratib olishmagan. Shu sababli, ular demokratiyani kufr deb bilsalarda, ulardan farqsiz oʻz “xohish”lariga qullik qilib, shariat talablariga emas, “xohish”lariga quloq solmoqdalar. Masalan: sharʼiy nususlarga asoslanmagan har qanday maʼno-hukmlar “xohish” nomli butning koʻrsatmasidir. Yoki daʼvatni jamoatga qoʻshilmasdan yakka holda olib borish ham “xohish”ning amridir. Chunki Rosululloh(s.a.v) unday qilgan emaslar, demak shariat unday emas. Yoki jamoat qarorlariga – xoh xalqadagi tartib boʻlsin, xoh daʼvatdagi qarorlar boʻlsin – rioya qilmaslik “xohish”dir, Islom emas. “Jumʼa” namoziga borib, oʻz holicha, alohida namoz oʻqigan yoki imomga ergashmasdan, undan oldinga oʻtib ketgan moʻmin jumʼa farzini ado qilgan boʻladimi?! yoʻq, albatta. Xuddi shuningdek, daʼvat jamoiy olib borilishi va unda Amir tomonidan chiqarilgan, barcha qarorlarga soʻzsiz itoat qilinishi bilan daʼvat jamoiy shaklda olib borilgan boʻladi. Masalan: bir necha bor dars bergan mushrif ham yana oʻsha darsga tayorlanib borishi yoki har qanday arzimas boʻlsada, besh minut kech qolgan dorisni muolaja qilish kabi.
Aqlni olgʻa surib, “xohish”ga ergashish daʼvat ishlaringng muvaffaqiyatsizligiga sabab boʻladi. Sizlarga “Uhud” jangidagi gʻalabani magʻlubiyatga aylantirgan itoatsizlikni yodingizga solishim yetarli boʻlsa kerak. Shuning uchun biz avvalo shariatga har qanday butlardan tozalangan holda, sof Islomni qabul qilib, hayotning barcha ishlarida “xohish” “but”idan ehtiyot boʻlishimiz kerak.
Gʻarib.
