Erdogʻan: Ruslar bilan harbiy jihatdan hamkorlik qilyapmiz
Turkiya prezidenti Rajab Toyyib Erdogʻan Moskvada Rossiya Prezidenti Vladimir Putin bilan uchrashdi. Kremlda boʻlib oʻtgan muzokaralar yopiq eshiklar ortida boʻlib oʻtdi. Xabarlarda aytilishicha, kun tartibiga kiritilgan eng muhim mavzu Suriya masalasi boʻlgan. Uchrashuvdan soʻng ikki rahbar matbuot anjumani tashkil qilishdi.
Jurnalistlar qarshisiga chiqqan Rossiya prezidenti Yaqin Sharq mintaqasidagi vaziyat oʻta jiddiy ekanligini taʼkidladi. Putinga koʻra, bu holat Rossiya uchun ham tahdid hisoblanadi. Shuning uchun Rossiya va Turkiya terrorga (Islomga) qarshi oʻzaro razvedka maʼlumotlarini bir birlari bilan poylashmoqda.
“Qanday maqsadda boʻlishidan qatʼiy nazar terrorizmning barcha turiga qarshimiz. Bu borada Turkiya bilan maʼlumot almashinuvi olib bormoqdamiz. Mintaqadagi vaziyatning qanchalik jiddiy ekanini his qilib turibmiz. Bu esa, global maʼnoda biz uchun ham tahdiddir. Birgalikda terrorni yoʻq qilamiz”, “Oxirgi paytlarda jahonda yuz berayotgan inqirozlar, ayniqsa Suriya inqirozini bartaraf qilish uchun faol tarzda harakatlarimizni davom ettiryapmiz. Harbiy va maxsus xizmatlari oʻrtasida konstruktiv uchrashuvlar ham davom etyapti. Ikki davlat mudofaa va razvedka tashkilotlari oʻrtasida samarali aloqalar oʻrnatildi. Oʻrtamizdagi munosabatlar tez surʼatda oʻsib boryapti. Moskva bundan juda mamnun. Rossiya va Turkiya askarlari oʻrtasida bu darajara yaqin munosabatlar oʻrnatilishini hech kim kutmagan edi”, dedi putin.
Erdogan ham Turkiya-Rossiya oʻrtasidagi munosabatlarni yuqori baholab, terrorchi tashkilotlarga qarshi birgalikda kurash olib borish zarurligiga urgʻu berar ekan, “Harbiy jihatdan hamkorlik qilyapmiz. Barcha terrorchi tashkilotlarga qarshi qatʼiy qaror bilan kurash olib borishga majburmiz. Suriyadagi insonlar ustidan biz masʼulmiz” deya taʼkidladi.
