بِسْمِ اللهِ الرَّحْمٰنِ الرَّحِيم
Islomning buyuk kishilaridan biri bizni tark etib habibi Muhammad A va u kishining hamrohlari huzuriga ketdi
Biz Allohga hech kimni gunohdan pok deb koʻrsatmaymiz
Bizning idoriy qoidalarimizga koʻra, viloyatlardagi biror Hizb aʼzosi vafot etsa, buning xabari oʻsha viloyat tomonidan bildiriladi. Amir boʻlimining hozirgi va sobiq aʼzolari vafoti haqida xabarni esa amir bildiradi. Ammo Abu Muhammad, Allohning izni ila, ushbu sof pokiza daʼvatda eʼtiborli kishilardan biri boʻlganligi bois men u kishini ayni qoidalardan istisno etmoqni lozim koʻrdim.
Shunga koʻra, men Hizb amiri va amir boʻlimi aʼzolari ushbu buyuk inson, Abu Muhammad Sabriy Oruriyning vafot etganini xabar qilamiz. Shayximiz daʼvatda hilpirab-yonib turgan bayroq, gard ham yuqmagan harsang tosh, zolimlarga qarshi kurashda mustahkam ustun edilar. U kishi sinmas irodali, tolmas shijoatli, Allohdan oʻzga hech kimdan qoʻrqmaydigan zot edilar. Zolimlar qoʻlida qamoqda boʻlgan yillarining oʻzi buni aytib turibdi. Men bu zotni Alloh Taolo aytgan quyidagi zotlardan, deb hisoblayman:
مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلًا
“Moʻminlar orasida Allohga bergan ahdu paymonlarida sodiq turgan kishilar bor, ulardan ayrimlari oʻz ahdiga vafo qildi, (yaʼni shahid boʻldi), ayrimlari esa (shahid boʻlishga) intizordir. (Ular Allohga bergan ahdu paymonlarini) oʻzgartirganlari yoʻq” [Ahzob 23]
Alloh Taoloning xohishi ekan, biz uzoq yillar koʻrisholmadik. Biroq men Ammondagi jamoat ishlari vazirligidagi muhandislik ishim boʻyicha Xalildan Ammonga koʻchib kelganimdan boshlab shayx bilan juda-juda yaqin boʻlganmiz. Oʻshanda Xalil mahalliy lajnasi meni daʼvat ishlarim boʻyicha bogʻlanishim uchun bergan Ammondagi adres taqvoli kuchli – biz shunday hisoblaymiz, biroq Allohga hech kimni gunohdan pok deb koʻrsatmaymiz – kishi boʻlmish Abu Muhammad adresi edi. Shundan boshlab biz tez-tez koʻrishib turadigan boʻldik… Keyin esa hozirgina aytib oʻtganimdek, uzoq yillar ayriliqda boʻlib, shuncha yil davomida juda kamdan-kam uchrashdik…
Bir kuni, rohimahullohning vafot etishidan toʻrt oycha oldin, Feysbukdagi maxsus sahifaga ushbu qadrli birodardan kelgan maktubga koʻzim tushib qoldi. Uning matni quyidagicha edi:
“Assalomu alaykum va rohmatullohi Taala va barokatuh. Ushbu maktub otam shayx Sabriy Oruriydan shayximiz Abu Yosinga: Assalomu alaykum va rohmatullohi va barokatuh, birodarim va habibim Abu Yosin… Alloh toat-ibodatlaringizni qabul aylasin, kunlaringiz ofiyatli, omonli, barqaror boʻlsin. Birodarim, sizga Allohdan tavfiq, hifzu himoya, omonlik hamda ish va fikrda toʻgʻrilikni ato etishini kechayu kunduz duo qilib soʻrayapman. Qayerda boʻlmang va qayerga toʻxtamang-Alloh siz bilan birga boʻlsin, Oʻzi hifzu himoyasida saqlab, tez orada Islom diyorida bizni siz bilan birga jamlasin… Birodaringiz Abu Muhammad Sabriy… 2016 yil sentyabr. Shaxsan oʻziga”. Xatning matni tugadi.
Ushbu ajoyib zotning ajoyib maktubiga Feysbukdagi maxsus sahifadan bunday javob yozdim:
“Sevikli va qadrli birodarimning, shayximiz “Abu Muhammad Sabriy Oruriy”ning oʻgʻliga.
Assalomu alaykum va rohmatullohi va barokatuh.
“Ey yaxshi insonning oʻgʻli, bizni aziz qimmatli shayximiz Abu Muhammad bilan bogʻlab, shunday buyuk er kishilardan birining muattar tarixini qayta eslatganingiz uchun Alloh sizni yaxshilik ila mukofotlasin. Bu zot juda koʻp marta duch kelgan qattiq qiyinchilik-zarbalarga boʻyin egmadilar, hatto bemorlik paytida ham kuchli holda qoim turdilar. Sogʻ paytida undanda kuchli edilar… Biz u bilan Islom bayrogʻi boʻlmish Rosululloh A bayroqlari ostida uchrashishni va birgalashib oʻtgan kunlarni eslashni juda xohlaymiz. Abu Muhammad oʻsha “doʻkon”da turib, yurtning turli yerlaridan kelgan yigitlarimiz uchun nurli mashʼala boʻlgan edilar. Ammonga borganim ham, bizni birga jamlagan oʻsha Ammondagi ajoyib uchrashuv ham, menga yordam berganlari…, natijada Alloh ul zot bilan va ul zot orqali baraka ato etgani ham hanuz yodimda. Hozir bemorlikdan aziyat chekayotgan ekanlar, Alloh Subhanahuga duo qilib, shifoi karam ato etishini va daʼvatni yetkazishdagi sarf etgan va sarf etayotgan ulugʻ saʼy-harakatlarini mol-davlat ham, bola-chaqa ham foyda bermaydigan, magar Alloh huzuriga toza dil bilan kelgan kishilargagina foyda beradigan kunda savoblari tarozisiga qoʻshishini soʻrab qolaman. Alloh Subhanahudan soʻraymanki, agar ul zotning taqdirida bu dunyoda bizni birga jamlashni yozmagan boʻlsa, oxiratda birga jamlasin, Rosululloh A va hamrohlari bilan butun olam mulki egasi har ishga qodir Alloh huzuridagi sidq oʻrinda birga qilsin… Allohim, duolarimizni ijobat ayla, eshituvchi va ijobat qiluvchi Oʻzingsan.
Vassalamu alaykum va rohmatullohi va barokatuh.
Birodaringiz Ato ibn Xalil Abu Roshta
Hijriy 1437 yil 17 muharram, milodiy 2016 yil 18 oktyabr”. Xatning matni tugadi.
Subhanalloh… Men Abu Muhammad bilan bu dunyoda Xalifalik bayrogʻi soyasida koʻrishishni juda istardim… Biroq har narsadan oliy va har ishga qodir Allohim boshqa narsani iroda qilibdi. Alloh Subhanahudan mazkur maktubim soʻnggidagi qilgan duoimni qabul etishini soʻrayman: “Alloh Subhanahudan soʻraymanki, agar ul zotning taqdirida bu dunyoda bizni birga jamlashni yozmagan boʻlsa, oxiratda birga jamlasin, Rosululloh A va hamrohlari bilan butun olam mulki egasi har ishga qodir Alloh huzuridagi sidq oʻrinda birga qilsin… Allohim, duolarimizni ijobat ayla, eshituvchi va ijobat qiluvchi Oʻzingsan”.
Allohim, Abu Muhammadni rahmat qil, qiyomatda anbiyolar, siddiqinlar, shahidlar va solihlarga hamroh qil, ular bilan hamroh boʻlish naqadar baxt! Allohim shayximiz oʻgʻillari va qizlarini hamda barcha yaqinlarini
الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ
“Ular shunday zotlarki, biror musibat kelganda – albatta biz Allohning (bandalarimiz) va albatta biz u zotga qaytguvchilarmiz”, deydilar. Ana oʻshalarga Robbilari tomonidan salovot (magʻfirat) va rahmat bordur, ana oʻshalar haq yoʻlni topguvchilardir” [Baqara 156-157]
deya aytganingdek kishilardan qil.
Ey Abu Muhammad, Alloh Sizni rahmat qilsin, biz sizdan ajralganimizdan juda mahzunmiz va Robbimiz Subhanahu rozi boʻluvchi soʻzlardan oʻzga soʻzlarni aytolmaymiz.
“لِلَّهِ مَا أَخَذَ وَلَهُ مَا أَعْطَى، وَكُلُّ شَيْءٍ عِنْدَهُ بِأَجَلٍ مُسَمًّى”
“Alloh olgan narsa ham Oʻziniki, berganki narsa ham Uning Oʻzinikidir. Har bir narsa maʼlum vaqtga belgilab qoʻyilgandir”.
إنا لله وإنا إليه راجعون
“Albatta biz Allohning bandalarimiz va albatta Oʻziga qaytajakmiz” [Baqara 156]
Birodar va doʻstingiz Ato ibn Xalil Abu Roshta
8 jumodul-avval 1438h
5 fevral 2017m
