AQShning mafkuraviy (ideologik) kurashi faqat Islomga qaratiladigan boʻldi
Oq uy maʼmuriyati Islom mafkurasiga qarshi ochiq suratda kurash boshladi. Endilikda barcha mafkuralar chetga surilib, faqat islomiy mafkuraga qarshi kurash birinchi oʻringa qoʻyiladigan boʻldi. Bu haqida Reyters axborot agentligi “maxsus xabar” nomi ostida xabar tarqatdi.
“Tramp idorasi zoʻravonlikni oʻz ichiga olgan mafkuralarga qarshi kurash dasturiga oʻzgartirish kiritdi. Bundan buyon faqat “islomiy ekstremizm”ga qarshi kurash birinchi oʻringa qoʻyiladi”, deyiladi agentlik tarqatgan xabarda.
Shuningdek, mazkur xabarda aytilishicha, dasturning “Countering violent extremism (CVE) – Ekstremizmga qarshi kurash” degan nomiga oʻzgartirish kiritilib “Islomiy ekstremizmga qarshi kurash” yoki “Radikal islomiy ekstremizmga qarshi kurash”, nomi berilishi ham mumkin.
Turkiyada chiqadigan “Hurriyat” gazetasining jurlalisti Murat Yetkin Reytersning “maxsus xabar”iga izoh berar ekan, bu xabardan AQShda musulmonlarning oq tanli irqchilardan koʻra xavfliroq sanalishi kelib chiqadi, deya taʼkidladi.
“Shu darajadaki, masalan, oq tanlining ustunligini daʼvo qilib terror harakatini amalga oshiradigan va insonlarning oʻlimiga sabab boʻladigan ekstrimist guruhlarga qarshi kurash bu dasturdan chiqarib tashlanadi” deydi Murat Yetkin.
Turkiston:
AQShning mafkuraviy kurashi faqat Islomgagina qaratilganligi yangilik emas. Aslida kapilalizm mafkurasi qarshisida Islom mafkurasidan boshqa mafkura qolgan ham emas. Sotsializm mafkurasi qulagandan keyin Amerika oʻziga Islom mafkurasini asosiy va yagona dushman deb belgiladi. Chunki uning kelajagiga rahna soladigan kuch faqat Islom mafkurasidagina mavjuddir. Faqat shu paytgacha bu masala “biz islomga qarshi emasmiz, balki zuravonlikni oʻz ichiga olgan barcha mafkuralarga qarshimiz” yoki “biz terrorizm va ekstrimizmga qarshimiz”, degan yolgʻonlar bilan oʻrab talqin qilinar edi xolos. Bugunga kelib Tramp Islomga qarshi kurashini oshkora boshladi.
Shuning uchun aytish mumkinki, AQSh va Gʻarb davlatlari dunyoning turli oʻlkalarida Islom va musulmonlarga qarshi hujumlarini niqoblash maqsadida terrorizm, diniy ekstremizm, fundamentalizm shiorlarini qoʻllab kelishmoqda. AQSh oʻz manfaatiga moslash uchun terrorizmga shunday taʼrif berdi. Uning manfaati sotsializmdan keyingi oʻzining ashaddiy dushmani boʻlgan Islomni imkon qadar zayiflashtirishga bogʻliqdir. Hozirda Islomning davlati mavjud emas. Kapitalizm esa bir qancha davlatlarga ega. Shunday boʻlishiga qaramay, kapitalizm mafkurasi islom mafkurasi qarshisida kundan kunga tanazzulga yuz tutib bormoqda. Shu bois Islomga qarshi kurashni oshkoro eʼlon qilishdan boshqa choralari ham qolmadi.
