Odamlarni toʻnab yurgan militsiya “xodimlari” qoʻlga olindi
“teznews.kg” xabariga koʻra, oʻzlarini militsiya xodimlari sifatida tanishtirib xalqni toʻnab yurgan fuqarolar qoʻlga olingan. Bu haqda shahar militsiyasi maʼlum qilgan.
Maʼlumotda aytilishicha, Bishkek shahrida yashovchi fuqaro militsiyaga ariza bilan murojaat qilgan. U oʻz arizasida, 25 yanvar kuni soat 22:30lar chamasida oʻzlarini militsiya xodimlari deb tanishtirgan 3 kishi ming som puli va uyining kalitini olib ketishganini aytgan.
Qoʻlga olish boʻyicha oʻtkazilgan maxsus reyd davomida 23 yoshdagi T.B va 22 yoshdagi A.U qoʻlga olingan.
Qadamjoyda daʼvatchilar qoʻlga olindi
“Turmush” nashrining xabariga koʻra, 27-yanvar kuni Qadamjoy tumanining Kok-Talaa qishlogʻidagi masjidda daʼvat ishlarini olib borgan Yaqin Inkor jamoatining 10 nafar aʼzosi qoʻlga olindi. Bu haqda Qadamjoy tumani IIBning 10-boʻlimi maʼlum qilgan.
Maʼlumotga koʻra, ular daʼvat ishlarini olib borishda muftiyot va IIV xodimlaridan tegishli hujjatlar va ruxsat olishmagani aniqlangan. Qoʻlga olingan 10 kishi Talas, Norin va Jalolobod viloyatidan kelishgan. Ular 4 oyga daʼvatga chiqishgani aniqlangan.
Ekspert va militsiya xodimlari tekshiruvlardan, soʻng ishni sudga oʻtkazib berishgan. Qoʻlga olingan 10 kishi sudning hukmidan soʻng Qadamjoy tumani hududidan chiqarib yuboriladi.
Turkiston:
Qizigʻi shundaki, yuqoridagi kazzob, toʻnovchi, hatto qaroqchi, korruptsioner, oʻgʻri va fohishalarning homiylari boʻlgan organ xodimlari Ollohga tavakkul qilib, oilalarini tashlab qoʻyib, Olloh yoʻlida, faqat savob umidida bilganlaricha yaxshilikka chaqirib kelayotgan daʼvatchilarni qoʻlga olishyapti. Bu qanday teskari jamiyat boʻldi?!
Kuni kecha, yuk tashuvchi samolyot fuqorolarimiz ustiga qulab, ayanchli fojea yuz berib turgan vaqtda ham, atrof militsiya xodimlari bilan oʻrab olinib, organ xodimlari tozalash ishlarini olib borishganligi telekoʻrsatuvlar orqali namoyish etildi. Lekin guvohlarning soʻzlariga koʻra, militsiya xodimlari fojeadan jabr koʻrgan odamlarga eʼtibor qaratgan emas, balki ularning gʻami mintaqani qimmatbaho telefonlardan tozalab olish boʻlgan.
Shu kabi nopok xodimlarga daʼvatchilarni tashlab berdikmi?!
