Erondagi xoin rejim mulozimi boshpanasiz xotin-qizlarni sterilizatsiya qilishni taklif qilmoqda
2017 yil 1 yanvar yakshanba kuni Eron poytaxti gubernatori oʻrinbosari Tehrondagi giyohvand moddalar isteʼmol qiluvchi va fohishalik bilan shugʻullanuvchi boshpanasiz xotin-qizlar sterilizatsiyalash (bepusht qilish)ga ragʻbatlantirilishi lozimligini taʼkidladi. Ularning 20 %dan ziyodi OITS (orttirilgan immun tanqisligi) kasalligiga chalingan boʻlib buzuqlikni yoyish bilan birga, turli yuqumli kasalliklarni ham tarqatishmoqda, ular xuddi inkubator singari bolalashmoqda, biroq farzandlarining boquvchisi yoʻqligi sababli ularning oʻzlari bolalarini sotishmoqda, deya bayonot berdi. Bu soʻzlarini u quyidagicha izohladi: “Bu yerda bir loyiha, haqiqat va nuqtai nazar bor boʻlib, unga bir necha nohukumat tashkilot va ijtimoiy elitalar rozi boʻlgan. Gap shundaki, bu xotin-qizlar kasal boʻlib, jinsiy xizmat koʻrsatishsa hamda ularning turar joylari yoʻq boʻlsa, demak, ular majburan emas, oʻzlari rozi boʻlgan holda, sterilizatsiya amaliyotini oʻtkazishlari lozim. Bu ish boshpanasiz ayollarni ijtimoiy zarar keltirishlarini oldini olishga ishontirish loyihasi orqali amalga oshirilishi darkor”.
Soʻnggi yillarda Tehronda koʻcha bolalari tugʻilishi hamda ularning kambagʻal yoki poytaxt va uning atrofida yashovchi daydi ayollar tomonidan sotilishi kabi muammolar ortib bormoqda. Bu ahvoldagi minglab bolalar tilanchilik qilish yoki koʻchalarda sotuvchilik qilish kabi ishlarga majburlanmoqda. Boshpanasiz ayollarning Poytaxt tashqarisidagi bir qabristonda uxlab yotgani tasvirlangan suratlarning tarqalishi Eron jamoatchiligini dahshatga soldi. Eron prezidenti Hasan Ruhoniy 2013 yildagi oʻzining saylovoldi kampaniyasida Erondagi xotin-qizlar vaziyatini yaxshilashga vaʼda bergandi. Xotin-qizlar vazirligi tashkil qilish taklifini oʻrtaga tashlab, hukumat “ongimizda, jamiyatda va nihoyat, barcha sohalarda xotin-qizlar obroʻsini tiklashi kerak, men bu yurtdagi ayollarning poymol boʻlgan huquqlarini qaytarish yoʻlida xotin-qizlar vazirligini tashkil qilaman”, degan edi. Keyin 2016 yil fevralda “Xotin-qizlar, modernizatsiya va rivojlanish” nomli konferentsiyada ham “Biz xotin-qizlar mavjudligiga va ularning kuchlariga ishonmogʻimiz, yurtimiz ayollari ilm-fan, maʼrifat, iqtisod kabi fanlarda erkaklar bilan bir xil rol oʻynashga qodir ekanliklarini bilmogʻimiz lozim”, dedi.
Tehron koʻchalarida daydib yurgan ayollar va bolalar, butun islomiy olamdagi hukmdorlar vaʼdalari gʻirt yolgʻon ekanini yana bir bor tasdiqlab turibdi. Bu hukmdorlardan farqsiz oʻlaroq, Eron hukmdorlari ham ayollarni islomiy ahkomlarga muvofiq himoya qilishga yolgʻon vaʼdalar berishib kelmoqda.
Biz Hizb ut-Tahrir markaziy matbuot boʻlimi ayollari bu hukmdorlarga quyidagicha savol yoʻllaymiz: Siz hukmdorlar islomiy jazo qonunlaridan birortasini tatbiq qilganmisiz oʻzi, axir, siz ayollarimizga gʻamxoʻrlik qilishdan butunlay voz kechganingiz sababli ular qashshoq hayot kechirishga, oʻzlarini va farzandlarini toʻydirish uchun tanalarini sotishga, qabristonlarda uxlashga majbur boʻldilarku?! Axir, Islom ahkomlaridan qay biri bolalarning och qolmasliklari uchun tilanchilik qilishlarini qabul qilgan?! Islom ahkomlaridan qay birida hukumatning insonlar ehtiyojlariga eʼtibor berish oʻrniga, muammoni kambagʻal-zaif ayollarni sterilizatsiya qilish orqali hal etish taklif qilingan?!
Shubhasiz, bularning barchasi Islom shariati qonunlarida va Islomning haqiqiy boshqaruvida qattiq qoralangan ishlardir. Islomiy boshqaruv ostida birorta ham ayol yoki bolaning boshpanasiz qolishiga yoʻl qoʻyilmaydi. Ayollarning tirikchilik uchun gadoylik qilish yoki tanalarini sotishga yoʻl qoʻyilmasliginiku, aytmasak ham boʻladi! Bu Eron rejimi xoin va kazzobdir. Bu davlat ham oʻzining egoistik manfaatlari uchun hamda Islom dushmanlari manfaatlari yoʻlida harakat qilayotgan islomiy olamdagi boshqa rejimlar bilan bir xil. U xotin-qizlar va farzandlarining baxtli yashashlari uchun zarracha qaygʻurmaydi. Bu rejim Ummatning farzandlari va ayollar koʻchalarda uxlasa, giyohvad moddalar isteʼmol qilsa, oʻz bolalari va tanalarini sotsa hamda rejimlar tomonidan tashlangan bombalaru oʻqlardan halok boʻlsa, bunga parvo qilmaydi. Koʻplab ayollar va bolalarning mana shunday ayanchli ahvolda yashashlarini koʻra-bila turib, ularga yordam berish uchun real chora-tadbir koʻrmayotgani bu hukumatlar uchun sharmandali hol, albatta. Bunga oʻxshash davlatlarning haqiqiy Islomiy boshqaruvga oʻxshash tomonlari mutlaqo yoʻq.
Eronning Islomni tatbiq etishi toʻgʻrisidagi daʼvolari gʻirt yolgʻon. Bundan u oʻzining zolim rejimiga sharʼiylik tusini berishda foydalanadi! Bunday rejimlarning gʻayriislomiy qonun va cheklovlar ishlab chiqishdan oʻzga tashvishlari yoʻq. Ayni qonun va cheklovlar esa ayollar boshdan kechirayotgan zulm va baxtsizlik muammolari ustiga qoʻshimcha muammolarni keltirib chiqarmoqda. Ummatga haqiqiy islomiy rahbariyat kerak. Ummat bugun muslima ayollar izzat-hurmatini himoyasi yoʻlida kurashadigan va Islom farmonlariga muvofiq, har bir shaxsni boshpana bilan taʼminlaydigan davlatga muhtoj. Oʻz xalqini jonkuyari boʻlgan ushbu davlat esa, Allohning izni ila, yaqinda barpo boʻlajak Paygʻambarlik minhoji asosidagi roshid Xalifalik davlatidir.
وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ
“Zolim kimsalar qanday oqibatga qarab ketayotganlarini yaqinda bilib olurlar” [Shuaro 227]
Hizb ut-Tahrirning markaziy matbuotboʻlimi ayollar qismi
telefon-faks: 00961 1 30 75 94
uyali telefon: 00961 71 72 40 43
elektron pochta: ws-cmo@hizb-ut-tahrir.info
