Lavrov: Suriyaga kirmaganimizda Assad rejimi uch haftada qular edi
Rossiya Tashqi ishlar vaziri Sergey Lavrov anʼanaviy yillik matbuot anjumanida jurnalistlarning savollariga javob berdi. Lavrovning taʼkidlashicha, Rossiya Suriyaga kirib toʻgʻri qilgan. Chunki Lavrovga koʻra, Rossiya kuchlari Suriyaga kirgan paytda Asad rejimi ikki yoki uch hafta arafasida qulab, hukumat muxoliflar qoʻliga oʻtib ketishi kutilayotgan boʻlgan.
Aslida Asad rejimini faqat Rossiya emas, balki u bilan birga Turkiya, Eron va boshqa mintaqa davlatlari birgalikda qutqarib qoldi. Bu ish Amerika nazorati ostida amalga oshirildi. Rossiya prezidenti Vladimir Putin “Asad rejimi bizdan koʻra Amerikaga yaqin”, deya oʻz ogʻzi bilan aytgan edi.
Suriyada inqilob boshlangan kundan buyon Suriya xalqi boshidan kechirmagan qatliom, fitna, tilbiriktiruv va xiyonat qolmadi. Suriya masalasini yaqindan kuzatgan kishiga sir emaski, Suriyada musulmonlar faqat Asad rejimiga qarshi kurashmadi, balki AQSh boshchiligidagi butun kufr olami hamda AQShga malay boʻlgan Islomiy oʻlka hukumatlariga qarshi kurashdi.
Amerika mintaqadagi barcha davlatlarga vazifalarini belgilab berdi. Qaysidir biri jang maydoniga kirgan boʻlsa, boshqa biri tashqaridan yordam berdi. Asad rejimining juda tezlik bilan qulash sari ketayotganligini koʻrgan Amerika Asadning alternativini yasashga kirishdi. Ammo bu borada muvaffaqiyat qozona olmadi. Soʻngra Eron hizbini ishga soldi. Eron ham foyda bermagach, Rossiyadan Suriyaga kirishni talab qildi. Biroq Rossiya kechayu-kunduz bombalab ham, Suriya xalqini tiz choʻktira olmadi. Shundan soʻng AQSh Turkiyani ishga soldi. Va nihoyat Turkiya “Furot qalqoni” amaliyoti bahonasida Halabni himoya qilib turgan kuchlarni tortib ketishi tufayli AQSh Asadni oʻz kursisida saqlab qolishga muvaffaq boʻldi.
Bu yerda ikki ittifoqdosh Rossiya-Turkiya davlatlarining bayonotlari bir biriga zid kelmoqda. Turkiya prezidenti “Biz Suriya rejimini qulatish uchun Suriyaga kirdik” desa, Rossiya prezidenti “Biz kirmaganimizda Suriya rejimi ikki-uch haftada qular edi”, demoqda. Buni qanday tushinish mumkin? Biri rejimni qulatish haqida gapirsa, ikkinchisi ushlab qolish haqida gapirmoqda. Shunday ekan, agar oʻrtada tilbiriktiruv boʻlmasa, bu ikki davlat qanday bir-biri bilan kelisha olishi mumkin?!
Ha, Turkiyaning xiyonati Asadning joniga oro kirdi. Erdugʻon bu xiyonatni turli nayranglar bilan yashirishga uringan boʻlsa-da, biroq Putin buni oshkor qilib qoʻydi. Rossiya prezidenti Halab sharqidan qurolli muxolifatni boshqa tarafga jalb qilish Turkiya prezidenti bilan erishilgan kelishuv boʻyicha amalga oshganini maʼlum qildi.
“Halabda aynan biz kelishib olgan ishlar boʻldi. Bular haqida Turkiya prezidenti Sank Petrburgga safar qilganda u bilan kelishib olgan edik”, dedi Putin Halab xususida bergan bayonotida.
