Jalolobod: Diniy ekstremizmning oldini olish boʻyicha chora-tadbirlar kuchaytirildi
“Azattыk” axborot agentligining xabar qilishicha, Jalolobod viloyati Ichki ishlar boshqarmasi diniy ekstremizm va terrorizmni oldini olish va unga qarshi kurashish maqsadida tezkor chora-tadbirlarni kuchaytirdi.
Agentlikning xabariga koʻra, Suzoq tumanida 17 yanvar kuni Hizb ut-Tahrir tashkilotining faol aʼzolari sifatida militsiya roʻyxatida turgan uch fuqaroning uyida sud sanktsiyasi va guvohlar ishtirokida tintuv ishlari olib borilgan. Tintuvda mazmunan gumonli boʻlgan diniy kitoblar, varaqalar qoʻlga kiritilgan. Ularning orasida Suriyadagi vaziyat, “Islom davlati” tashkiloti boʻyicha materiallar ham chiqqan.
Bozorqoʻrgʻon tumanida esa Chuy viloyatidan borgan fuqaro qoʻlga olingan. Uning yonidan muftiyotning muhri bosilmagan, ruxsatsiz chop etilgan diniy kitoblar, din haqida yozilgan daftarlar topilgan. Bu holatlar boʻyicha jinoiy ish qoʻzgʻatilib, tergov ishlari boshlangan va teologik ekspertiza tayinlangan.
IIB bergan maʼlumotga koʻra, 2016 yili viloyatda diniy ekstremizm boʻyicha 79 holat aniqlangan va 48 jinoiy ishi qoʻzgʻatilgan. Bu esa oʻtgan yilga solishtirganda koʻpdir.
Turkiston:
Qirgʻiziston hukumati “diniy jinoyatchilar”ni qoʻlga olish boʻyicha, organ xodimlariga yillik yoki kvartallik majburiyat belgilab beradi. Kuch tizimlarining hammasi hukumat qoʻli ostida, “diniy jinoyat”lar boʻyicha gumondor shaxslarni qoʻlga olish amaliyotlarini olib borishda alohida sistema paydo qilishgan. Ular buni “hali amalga oshirilmagan jinoyatni oldini olish amaliyotlari” deb atashadi. Musulmonlarga nisbatan bu ish-harakatlar aslida noqonuniy ekanligini yashirish maqsadida, olamda boʻlayotgan urush yoki qoʻporuv amaliyotlarini Islom va musulmonlarga toʻnkab, vahima paydo qilish va telekoʻrsatuvlar orqali keng tashviqotlar olib borish uchun matbuot hujumlari uyushtirib turishadi. Maqsadlari, olamiy tashkilotlardan oladigan moddiy va moliyaviy koʻmaklari uchun hisobot berish va yana shu yoʻnalishga qarshi harakatlarini davom ettirish uchun ulardan mablagʻ soʻrashga yangi sharoitlar yaratib borishdir.
Hizb ut-Tahrir aʼzolari ularning bu hujumlari uchun asosiy nishon hisoblanadi. Hukumat dindorlarga qarshi kuch organlaridan tuzgan bu mafiya sistemasi dindorlar tomonidan yozilayotgan arizalarga javob qaytarishdan bosh tortishyapti. Sud sistemasi ham, diniy gumondor shaxslarga qarshi boʻhtonligi yaqqol koʻrinib turgan yoki tintuv qilishga arzimagan asoslarga tayangan daʼvolar olib kelishsa, qoʻrqmay tergovchilarga sanktsiya berib yuboryapti. Bu kabi noqonuniy harakat biror Gʻarbparast shaxsiyaga, xezalak (gey) yoki muxolifat vakiliga nisbatan bir marotaba uyushtirilsa, butun nodavlat tashkilotlar oyoqqa turadi. Ammo yuzlagan musulmonlarga, xossatan Hizbga aʼzo boʻlganligi uchun bir necha ayollarga boʻhtonlar uyushtirilayotganiga esa hech kim eʼtibor qaratmayapti.
Organ xodimlariga xuddi bir korxona ishchilari singari majburiyatlar belgilanyapti. “Bu yil faloncha diniy odam qoʻlga olindi. Ularning shunchasining ustidan jinoiy ish ochildi. Bu oʻtgan yildagidan koʻra falonchaga koʻproq”, deb maqtanishyapti. Agar bu Gʻarb donorlari uchun hisobot boʻlmasa, aksincha “bu yil diniy jinoiy ishlar falonchaga ozaydi”, deb magʻrurlanishlari kerak edi. Endi bu organ xodimlari, yuqoridan zimmalariga yuklab qoʻyilgan majburiyatni ado etaman deb, yoʻq yerdan jinoyatchi qidira boshlaydi. Farzandlarimizni telefonlaridan nimalardir topishga harakat qilishadi. Shuningdek uydirma asoslar bilan diniy odamlarning uylariga bostirib kirib, biror jinoiy elementlar qidira boshlashadi. Bostirib kirgan uylaridan jinoiy material topsha olmasa, oʻzlari biror narsa tashlab boʻlsa ham, yuqoridan qoʻyilgan “plan”ni oshigʻi bilan bajarishga harakat qilishadi.
Qirgʻizistonda, huquq tartib organlari tomonidan musulmonlarga nisbatan alohida koʻzqarash asosida munosabat shakillanib boryapti. Bu esa, hokimiyat tomonidan atayin shakillantirib borilayotgan oʻta xavfli va uyushgan jinoyatchilik munosabatidir. Musulmonlarning ishiga va haq huquqlariga qonun tomonidan boshqalar qatori eʼtibor qaratilmasa, musulmonlar oʻz huquqlarini oʻzlari himoya qilishga majbur boʻlishadi.
