Yagʻmur: Siz bu taomlarni oʻliklarga yedirasizmi?
Turkiya Diniy ishlar vazirligi tarafidan eʼlon qilingan “Halabda Insoniylik oʻlmasin” nomli kampaniya turli tashviqotlar bilan davom etmoqda. Mazkur kampaniya doirasida Halab aholisi uchun turk xalqidan toʻplangan mablagʻ, kiyilmagan kiyimlar va oziq ovqatlarning Halabga yuborilayotganligi televideniya kanallari orqali tinimsiz namoyish etilmoqda. Shuningdek Turkiya hukumati shu kunlarda ogʻir vaziyatni boshdan kechirayotgan Suriya aholisiga birodarlik yordami sifatida oʻz hududida lager qurib berishini ham eʼlon qildi.
Biroq Turk hukumatining qirgʻinga uchrayotgan Halab aholisi uchun qilayotgan bunday ishlari koʻpchilik musulmonlarni qoniqtirmayapti. Istambul, Anqara, Bursa, Konya va Hatay mintaqalarida Hizb ut-Tahrir boshchiligidagi aholi namoyishlarga chiqib, turk armiyasini Halabni qutqarish uchun harakatga keltirishni talab qilishmoqda.
Oʻzini Nurulloh deb tanishtirgan Hizb ut-Tahrir yigitlaridan biri hukumatning bu tadbirlariga qanoatlanmaganlardan biridir. U hukumatning bu ishlarini “musulmonlarni Halabning asosiy masalasidan chalgʻitish”, deb baholaydi.
“Birodarlarimizga har qandan yordam koʻrsatsak arziydi. Ammo yordamga intilayotgan insonlar ongini ikkinchi darachjali yordamlar bilan asosiy masaladan burib yuborish yaxshi ish emas. Masalan, Isroil yonib kul boʻlayotganda Turkiyadan yordam soʻradi. Oʻshanda Tukriya oʻt oʻchiruvchi samalyotlar oʻrniga kiyim-kechak va oziq-ovqat yubormadi-ku. Hozir ham Halab bizdan armiya soʻramoqda. Biz esa ertayu-kech oʻlimga duchor boʻlayotgan Halab aholisini qutqarish uchun askarlarni oyoqqa turgʻizish oʻrniga oziq-ovqat va kiyim-kechak yuboryapmiz. Oʻlsangiz ham, mana shu kiyimni kiyib oʻling, tajovuzga uchrasangiz ham mana shu taomni yeb tajovuzga uchrang, deganimizmi bu?!”, deydi Nurulloh
Taniqli siyosatshunos Hanafiy Yagʻmur ham mazlumlarga qilingan har qanday yordam yaxshi ish ekanligaga urgʻu berar ekan, biroq Halab aholisini qutqaradigan haqiqiy yordam faqat va faqat Turk qoʻshinini safarbar qilish bilangina amalga oshishi mumkinligini taʼkidladi. Yagʻmurga koʻra, Turkiya hukumati bunga qodir. Hatto harbiy quvvatining bir qismi bilan ham, bir kunda Halab masalasini hal qilsa boʻladi.
“Halabda musulmonlar qirgʻin qilinayotgani hech kimga sir emas. Bu zulmni bartaraf qila oladigan kuch Turkiyaning armiyasida ham, xalqida ham ortiqchasi bilan mavjud. Toʻgʻri, musulmonlar mablagʻ, oziq-ovqat, kiyim kechak bilan yordam koʻrsatishlari mumkin. Ammo shu onda Suriyadagi musulmonlar Turkiyadan pul, kiyim-kechak va oziq-ovqatdan avval yeru-osmondan yogʻilayotgan hujumlarning bartaraf etilishini va qirgʻinlarning oldi olinishini kutishmoqda. Yaʼni bugungi kunda Diyonat ishlar vazirligi Halabga yordam kampaniya boshladi. Bu juda yaxshi. Ammo Halabda yoshu-qari erkagu-ayol demay, barcha insonlar ustidan Rossiya va rejim bomba yogʻdirar ekan, ularning taom yeyish yemasligining nima ahamiyati bor?! Siz bu taomlarni oʻliklarga yedirasizmi? Kiyimlarni oʻliklarga kiydirasizmi? Albatta Alloh uchun qilinadigan har bir yordamlarning ajri bor boʻlsa-da, ammo bu ularning dardiga davo boʻladigan yechim emas”, deydi Hanafiy Yagʻmur.
