Qirgʻiziston Hizb ut-Tahrirga terrorist tamgʻasini bosmoqchi
Qirgʻiziston davlat milliy xavfsizlik xizmatining (GKNB, DMXX) maxsus xodimlari Hizb ut-Tahrir islomiy siyosiy partiyasiga terrorist tamgʻasini bosmoqchi.
Turkiston:
Shu yilning noyabr va dekabr oylarining avvalidan boshlab, Bishkek shahri va uning atrofida DMXX xodimlari tomonidan musulmonlarga qarshi bir qator amaliyotlar oʻtkazildi. Bu kabi maxsus amaliyotlar ilgaridan davom etib kelayotgan har yilgi hukumatning hisoboti boʻlib, musulmonlar bu ishlarga unchalik ham eʼtibor bermay kelishar edi. Ular odatda oʻnlagan maxsus qurollangan harbiylar va militsiya xodimlari yordamida Hizb aʼzolarining uylariga saharlab bostirib kirishar edi. Maqsadlari, Hizb aʼzolaridan odamlarni yiroqlashtirish uchun atayin vahima paydo qilish edi.
Navbatdagi tintuv amaliyoti Saitbekov Shamshirbek ismli Hizb aʼzosining ijaraga olgan uyida DMXX xodimlari tomonidan amalga oshirildi. DMXX xodimlari uning uyiga qoʻlbola portlatuvchi moslama deb gumon qilingan besh dona matoh tashlab qoʻyishdi. Bu moslamalar haqida hali ekspertlar xulosasi chiqmay turib, NTS telekanali orqali “portlovchi moslamalar topildi” deb rasmiy bayonot berib yuborishdi. Saitbekning onasi va akasi ham ekstremizmda aybdor deb topilib, hozir qamoqda jazo muddatini oʻtashayotgani ham telekanal orqali xabar qilindi. Oʻz navbatida Saitbek ham vidio murojaat bilan, uyiga bostirib kirgan xodimlarning qilgan ishlari haqida bayonot tarqatdi.
https://web.facebook.com/duinokechebugunjanaerten/videos/899965360140130/
Ha, Saitbekning 60 yoshdan oʻtgan onasi va akasi qamoqda. Ular ham xuddi Saitbek va unga oʻxshagan yuzlagan musulmonlar singari boʻhton va zulm qurbonlari boʻlib, zolimlar zindonida oʻtirishibdi. Ular Allohning dinini oliy qilib, jamiyatimizda ilohiy hukmlarni azizlikka yaʼni oʻz oʻrniga olib kelishga harakat qilishayotganlari uchun qamoqda oʻtirishibdi.
Lekin Saitbekning “ishi”da boshqa bir siyosiy yoʻnalish koʻzga tashlandi. Hukumat maxsus xizmatlar qoʻli bilan Hizb ut-Tahrir aʼzolariga “moddiy va harbiy harakatlar qilishga hozirlik koʻrishyapti” degan boʻhtonni yopishtirishga zamin yaratish uchun tayorgarlik ishlarini boshlashmoqchi. Bu harakatlar Rossiya maxsus xizmatlarining kuratorligi ostida, ularning maslahatlari bilan yuritilayotgan harakatlar boʻlib, maqsadlari Hizb ut-Tahrirga rasman terrorist tamgʻasini bosib olishga qaratilgan.
Qirgʻizistonda islomiy muhitning taʼsir quvvati kuchayib boryapti. Hukumat tepasidagi ilmoniy elita esa, bir necha boʻlaklarga boʻlinib, bir biri bilan kelisha olmay, juda zaiflashib qolgan. Hokimiyat deyarli har soha va tarmoqda inqiroz holatiga tushib, ularga nisbatan xalqning nafrati ortib bormoqda. Hokimiyat bunday vaziyatdan qutulish uchun islomiy muhitga va musulmonlarga qarshi qalbaki urush uyushtirishga qattiq harakat olib boryapti. Fuqorolarni islomiy vahimadan qoʻrqitish uchun musulmonlarga yuqoridagi kabi portlovchi moslamalar tashlab qoʻyib, matbuot hujumi uyushtirish bilan jamiyatimizda vahima paydo qilishmoqchi. Maqsadlariga erishgach, yaʼni fuqorolarda islomiy muhitning xavfli ekanligiga ishonch hosil qila olishgach, odamlar gavjum biror joyni portlatishmoqchi. Biz buni butun dunyo davlatlarida boʻlayotgan qoʻporuv amaliyotlarida koʻrib kelyapmiz. Soʻng yana qoʻllaridagi matbuot mashinasi orqali Islom va musulmonlarga qarshi matbuot hujumini kuchaytirishadi.
Qirgʻiziston musulmonlariga murojaat qilib shuni aytamizki: Musulmonlarning Qirgʻiziston hududida qoʻporuv ishlarini amalga oshirish uchun hech qanday mantiq va manfaat yoʻq. Hizb ut-Tahrir esa, moddiy qoʻporuv ishlarini qiyomatgacha amalga oshirishni hizblar uchun joiz emas deb biladi.
Bu harakatlar nosogʻlom kuchlarning ishtiroki yoki maslahati bilan uyushtirilayotgan provokatsiya boʻlib, bundan koʻzlangan maqsad islomiy muhit vakillari bilan hokimiyat vakillari oʻrtasida urush yoki toʻpalonlar paydo qilishdir. Bu kabi beqaror holat yuzaga kelsa, Qirgʻiz hokimiyati oʻzining inqiroziy holatlaridan xalqni boshqa tomonga burib yuborish bilan chalgʻitishga harakat qiladi. Hukumat rejimni kuchaytirish, harbiy quvvatlarga moddiy qoʻllovni kengaytirish va ularning salohiyatlarini kuchaytirish hamda mamlakatda kutilayotgan siyosiy notinchliklarni oldini olib qolishda bizdan foydalanmoqchi.
Qirgʻiziston xalqiga murojat qilib aytamizki: Hukumat musulmonlarni oʻzlarining iflos siyosiy oʻyinlariga tortmoqchi boʻlyapti. Musulmonlarning bu provokatsiyaga hech qanday aloqasi yoʻq. Biz bu kabi iflos uslublarga oʻz munosabatimizni bildirishimiz kerak. Hukumat 1999 yillardagi Putinning qoʻporuv bilan hokimiyatni ushlab qolgan siyosiy uslublaridan andoza olyapti. Lekin xalqaro siyosatda Qirgʻiziston Rossiyaga teng emas. Shuning uchun bu yoʻnalish qirgʻiziston xalqi uchun oʻta qimmatga tushib qolishi mumkin. Rosululloh s.a.v. shunday marhamat qiladilar:
مَثَلُ القَائِم في حُدُودِ اللَّه والْوَاقِع فيها، كَمثل قَومٍ اسْتَهَموا على سَفِينَةٍ، فَأَصابَ بَعْضُهم أعْلاهَا، وبعضُهم أَسْفلَهَا، فكان الذي في أَسفلها إذا استَقَوْا من الماء مَرُّوا على مَنْ فَوقَهمْ، فقالوا: لو أنا خَرَقْنا في نَصِيبِنَا خَرقا ولَمْ نُؤذِ مَنْ فَوقَنا؟ فإن تَرَكُوهُمْ وما أَرَادوا هَلَكوا وهلكوا جَميعا، وإنْ أخذُوا على أيديِهِمْ نَجَوْا ونَجَوْا جَميعا
“Allohning qonunlariga rioya qiladigan inson bilan ularga amal qilmaydigan kishi kemada hamroh boʻlgan bir guruh odamlarga oʻxshaydilar, baʼzilari kemaning yuqori qismidan, baʼzilari esa quyi qismidan joy oldilar. Kemaning quyidan joy olganlar suv ichmoqchi boʻlsalar, yuqoridagilarni bosib oʻtar edilar. Shunda ular yuqoridagilarni bezovta qilmay, shu yerdan teshib ola qolsakchi, deb qoldilar… Kemadagi hamrohlar ularni oʻz holiga qoʻysalar, barcha halok boʻladi. Agar ularni qoʻlidan tutib toʻxtatib qoʻya olsalar, oʻzlari ham, kemadagi hamrohlarning barchasi ham najot topadi”.
