Rossiya Islom qoʻmitasi rahbari Haydar Jamol vafot etdi
Rossiya jamoat arbobi, Rossiya Islom qoʻmitasi raisi, “Rossiya islomiy merosi” jamoat qoʻmitasi raisi Haydar Jamol 70 yoshida Olmaota shahrida vafot etdi.
“Albatta, barchamiz Allohnikimiz va albatta, barchamiz Unga qaytguvchidirmiz” [Baqara 156]
Haydar Jamol Rossiyaning eng taniqli islom ulamosi va faylasuflaridan biri edi. U Moskva davlat universitetida “Anʼana va haqiqat” mavzusidagi maʼruzalar kursini oʻqib eshittirgan, oʻz umrini Islom dini muhofazasi va musulmonlar haq-huquqlarini himoya qilishga bagʻishlagan jonkuyar bir musulmon edi.
Biz, Rahimli Allohdan Haydar JamolniOʻz rahmatiga olishini, gunohlarini magʻfirat qilishini, jannat kengliklarida paygʻambarlar, siddiqlar va shahidlar bilan bir safda qilishini soʻrab qolamiz.
Oʻz navbatida uning oʻgʻli Orxan Jamolga, oila aʼzolari sabru jamil tilab, ularga va hayotining soʻnggi daqiqalarigacha uni tark etmagan sodiq doʻstlariga oʻzimizning chuqur taʼziyamizni izhor etamiz.
“Albatta, Alloh sabr qilguvchilar bilan birgadir [Baqara surasi, 153-oyat]
Turkiston tahririyati
