Tojikiston Rogʻun GESini qurishni boshladi
Tojikistonda 29 oktyabr kuni Rogʻun GESi qurilishi boshlandi. Qurilish avvalida Vaxsh daryosi oʻzani yopildi. Qurilishni shaxsan davlat rahbari Imomali Rahmonning oʻzi boshlab berdi.
Prezident matbuot xizmatining xabar qilishicha, Imomali Rahmon shaxsan oʻzi bulьdozer ruliga oʻtirib, quruvchilar bilan birga bir yarim soat Vaxsh daryosi boʻylab shagʻal tashigan va daryo oqimi oʻzgarishini nazorat qilib turgan.
Rossiya Fanlar akademiyasi Iqtisodiyot instituti direktorining ilmiy ishlar boʻyicha MDH mamlakatlari boʻlimi rahbari Yelana Kuzьminaning soʻzlariga koʻra, Rogʻun qurilishi ancha oldin ishlab chiqilgan loyiha boʻlib, u Markaziy Osiyo respublikalari oʻrtasida mavjud boʻlgan muvozanatni bir oz izdan chiqaradi.
“Oʻzbekistonning vaqtinchalik prezidenti Mirziyoyev Tojikiston bilan aloqalarni yaxshilash uchun harakat qilmoqda. Shu jumladan, ehtimol, Rogʻun GES bunyod etilishini salbiy va ijobiy tomonlarini muhokama qilgan. Bu narsa ish bermagan koʻrinadi. Bunday masalalar xalqaro miqiyosda xal qilinishi kerak. Shuningdek, bu qadar keng koʻlamli GESni bunyod etish uchun faqat boshlanishiga emas, balki oxirigacha yetadigan mablagʻ boʻlishi zarur. Ehtimol, bu siyosiy oʻyindir. Tojikiston tashqaridan moliyaviy rdam olmay turib, bunday obektni qura olmaydi. Hozircha bu qandaydir siyosiy yoki iqtisodiy deklaratsiyadek koʻrinyapti”,- deydi Yelena Kuzьmina.
