Sulh ketidan sulh… Toʻlovi esa bolalarimizning pokiza qonlari
Suriya rejimining zoʻravon kuchlari va salibchi koalitsiya samolyotlari qurolli oppozitsiya nazorati ostida boʻlgan Halab shahrining sharqiy mahallalarini egallash uchun qariyb ikki haftadan beri qattiq hujum qilmoqda. Bu hujum soxta sulhdan keyin yanada keskin tus oldi. Bu sulh murobit qoʻzgʻolonchilarning harbiy “tomiri urishi”ni ushlab koʻrish va chidami darajasini bilish uchun boʻlgan edi, xolos. Bundan maqsad qoʻzgʻolonning ilk lahzalaridan boshlab tiqishtirishga urinib kelinayotgan siyosiy yechimga xizmat qiluvchi qarorni qabul qilish edi.
Ayni damda joriy boʻlayotgan voqealar, yaʼni toʻgʻridan-toʻgʻri tinch fuqarolar nishonga olinishi hamda mumkin qadar koʻproq bolalar va ayollarning oʻldirilishi buni ochib tashladi. Jahon sogʻliqni saqlash tashkiloti vakilasi Fazilat Shoyibning aytishicha Halabning sharqiy mahallalarida 23 sentyabrdan 6 oktyabrgacha boʻlgan davr oraligʻida 377 kishi oʻldirildi. Suriya inson huquqi tarmogʻi bergan maʼlumotga qaraganda esa qurbon boʻlgan tinch fuqarolar soni oʻtgan oy orasida 1176 kishiga yetdi. Ulardan 117tasi ayollar, 312tasi bolalardir. Shuni ham koʻrsatib oʻtish kerakki, oʻldirilgan bolalar va ayollar soni qurbon boʻlgan tinch fuqarolar majmuasining 59 %ini tashkil qiladi. Bu esa tinch fuqarolar qasddan nishonga olinayotganini yaqqol koʻrsatib turibdi. Bundan maqsad suriyaliklar irodasini sindirish va Gʻarbning musulmonlar yeridagi har qanday rejalarini rad etuvchi qoʻzgʻolonchilarni boʻysundirishdir.
Lekin mustamlakachi kofirlar shuni tushunib yetishmadiki Islom tushunchalari asosida oʻsib-ulgʻaygan va Rosul A maktabini bitirgan kishining javobi Ummat yoʻlboshchisining javobi kabi boʻladi. Ummat yoʻlboshchisi Rosul A agar ular bu ishni tark qilishi evaziga oʻng tomoniga quyoshni, chap tomoniga oyni qoʻyib qoʻyishgan taqdirda ham to Alloh bu ishni zohir qilmagunicha yoki uning yoʻlida halok boʻlmagunicha bu ishni aslo tark qilmasligini aytib, Quraysh yetakchilari bilan ishni uzil-kesil hal qilgan edilar.
Binolar, mol-mulklar, shifoxonalar, tibbiyot muassasalari, tez yordam va fuqarolik mudofaasi sistemasining keng koʻlamda vayron qilinishi bu jinoyatlarning Suriyadagi ahlimizga qarshi qasddan qilinayotganini koʻrsatadi. Chunki oxirgi paytlarda beshtadan koʻproq shifoxonalar ishdan chiqdi. Oddiy tibbiy markazlar ham vayron qilindi. Bu tibbiy markazlar “terrorchilarga qarshi urush” degan bahona bilan vahshiyona va programmali tarzda bombardimon qilish oqibatida deyarli har kuni yaralanayotgan ulkan sondagi majruh odamlarni qutqazish uchun qurilgan edi. Xoʻsh, qani oʻsha “terror”, qayerda?!! Kim u “terrorchi”?!! Ogʻriq va alamlar mavjud shifoxonalardami?!! Yoki bolalarning yotoqxonalaridami va onalarning bagʻridami?!! Terrorchi – bolalarimizni yetim, ayollarimizni tul qilayotgan, yerimizni yondirib, pokiza qonlarimizni daryo qilib oqizayotgan mana shu mustamlakachilar va qonxoʻr rejim emasmi axir?!!
Kofirlarning va Suriyadagi togʻut zolimlarning jinoyatlari ularning manfaatparastlik taʼbirlari boʻyicha hatto “urush jinoyatlari” deb atash darajasiga ham koʻtarilmadi, emish. Chunki BMTning inson huquqlari boʻyicha oliy komissari Amir Zayd ibn Raʼd Husayn bir necha kun oldin: Halabdagi tinch fuqarolarga qilingan hujumlar urush jinoyatlari yoki insoniyatga qarshi jinoyatlar darajasiga koʻtarilishi mumkin – dedi. Toʻkilgan shuncha qonlardan keyin va shuncha vayron qilishlardan keyin ham shunday jinoyatlar darajasiga koʻtarilmadi, balki ularning ikki yuzlama normalari va qonunlariga munosib keladigan tavsiflar darajasiga koʻtarilishi “mumkin” emish!! Maʼlumki ularning bu normalari va qonunlari har qanday insoniy qiymatdan xoli boʻlgan moddiy manfaatparastlik siyosatlariga qarab oʻzgarib turadi!!
Ey, Suriyadagi qoʻzgʻolonchilar! Shuni yaxshi bilinglarki, sizning qoʻzgʻoloningiz oʻz maqsadlariga aslo osonlik bilan erisha olmaydi. U koʻplagan savdolashishlar va yon berishlar bosqichlarini bosib oʻtdi. Shunday ekan ogʻir sharoitlardan, fojialar va vayronalarning koʻpligidan, bolalar va ayollarning oʻldirilayotgani va sarson-sargardon qilinayotganidan taʼsirlanib yarimta yechimlarga rozi boʻlib qolmang, bunday yechimlarni aslo qabul qilmang. Garchi ustingizga salibchi kofirlar birgalikda yopirilayotgan boʻlsa ham va ularga Suriyadagi bolalar va ayollarni qutqazish uchun qimirlab ham qoʻymayotgan musulmonlar hokimlaridan iborat mana bu yollanma malaylar yordam berayotgan boʻlsa ham!!
Suriyada “toʻlgʻoq” juda ogʻir kechyapti. Chunki u Bashar va uning boshqaruv rejimidan keyin ishlarning qaysi yoʻnalish sari ketishi ustidagi kurashdir. Suriyada nufuz egasi boʻlgan va oʻzining ittifoqchisi ruslar yordamiga tayanayotgan Amerika Paygʻambarlik minhoji asosidagi roshid Xalifalikning tiklanishiga oid har qanday belgi-alomatni tiriklayin koʻmishga urinishdan aslo charchamaydi. Zero Gʻarb xolis kishilarning hokimiyat tepasiga kelib Ummatning islomiy armiyalardagi qahramon oʻgʻlonlaridan iborat kuch-qudrat ahlidan yordam olishlariga yoʻl qoʻymaslik borasida oʻzining butun makru hiylasiga, tulkiligiga va nufuziga umid bogʻlamoqda. Maʼlumki islomiy armiyalarni ularning hokimlari ichki masalalar bilan ovora qilib kishanlab turibdi. Bu armiyalar xolis kishilarga yordam qoʻlini choʻzsa oʻshanda tashabbusni oʻz qoʻliga oladi va oʻzining tuzilishidan koʻzlayotgan gʻoyani amalga oshiradi. Bu gʻoya – Islomni butun yer yuzi boʻylab yoyish, zaif-notavonlarga yordam berish va adolat, tinchlik, osudalik oʻrnatishdir.
Hizb ut-Tahrirning markaziy matbuot boʻlimi ayollar qismi
telefon-faks: 00961 1 30 75 94
uyali telefon: 00961 71 72 40 43
elektron pochta: ws-cmo@hizb-ut-tahrir.info
