IIV 10-boʻlim boshligʻi qurol sotgan uchun hibsga olindi
Qirgʻiziston respublikasi Ichki ishlar vaziri oʻrinbosari Doniyor Abduqodirovning matbuot anjumani chogʻida maʼlum qilishicha, bir guruh harbiylar bilan birga qurol sotganligi uchun Ichki ishlar vazirligining 10-boʻlimi boshligʻi hibsga olindi.
“Darhaqiqat, isteʼfodagi chegara xizmati harbiylari bilan birga chegara qoʻshinlari harbiy boʻlinmasidan qurol sotganlikda gumonlanib IIV 10-boʻlim boshligʻi hibsga olindi. Ayni paytda jinoiy ish hujjatlari harbiy prokuraturaga topshirildi. Tergov maxfiy olib borilayotgani uchun hech qanday izoh bera olmaymiz”,- dedi Abduqodirov.
Bundan tashqari, chegara xizmati omboridan qurol oʻgʻirlagani sababli 26 nafar zobit va praporshchiklar oʻz lavozimidan ozod qilindi.
Turkiston:
Qirgʻiziston davlati kundan-kunga ishonchini yoʻqotayotgan davlatga aylanib boryapti. Oʻtgan yili prizident aparatining boshligʻi bilan yana bir deputat qamoqqa olindi. Ular jinoyatchi sifatida turmada oʻtirgan Bishkekning avvalgi merining nomidan 100 ming dollar pora olayotib qoʻlga tushgan edi. Avvalroq esa Qirgʻiziston parlamentini bir necha yil boshqarib kelgan “jogorgu kenesh” spikeri qamoqqa olindi. U ham, davlat mulklarini oʻz manfaati yoʻlida ishlatib yuborganlikda ayblangan. Qirgʻizistonning sobiq prezidentlari Asqar Akayev ham, Kurbanbek Bakiyev ham va ularning atrofidagilari ham, milliardlagan pullarimizni olib chiqib ketishdi. Ular hozirda oʻsha bizlardan oʻgʻirlab olib qochib ketishgan pullari bilan yana hukumatni egallab kelishayapti. Bakiyevchilar yana vazir, deputat, gubirnator boʻlib birin ketin hokimiyatni egallashyapti.
Militsiya xodimlari tarafidan oxirgi vaqtlarda juda koʻp jinoyatlar sodir etilyapti. Ular Oʻshda hatto bandit va reketlar bilan aralashib, militsiya xodimlaridan iborat banditlar gruppalariga aylanib borishyapti. Sport klublari ham yuqori lavozimli organ yetakchilarining homiyligi ostida ish olib borishadi. Ular sodir etishayotgan yoki shu vaqtgacha sodir etishgan jinoyatlarining deyarli birortasi ham haligacha ochilgan emas. Misol uchun millionlagan savdogarlarning pullari oʻgʻirlandi, talon-taroj qilindi. Birortasi topilgani yoʻq. Chunki bu kabi iflos ishlarni shu kabi iflos organ xodimlari bajarishadi. Aslida ular sport bilan shugʻullangan bandit yigitlar boʻlib, ularga organ guvohnomasi elni tunashayotgan paytlarida rasmiyatchilik va himoyalanish uchungina kerak boʻladi. Bularning homiylari esa, vazirlikka qarab koʻtarilib borishaveradi. Chunki hukumat uchun farqi yoʻq, saylovda yoki tartibni saqlab turishda boʻladimi, xalqni bosim ostida ushlab turadigan quvvat boʻlsa bas. Ular xalqqa nisbatan zulm bilan tartibni saqlashadimi, qonunga rioya qilishadimi yoki oyogʻ osti qilib yuborishadimi, buning farqi yoʻq. Muhimi, saylovda ovoz olib berishni eplashsa va xalqni sukut qilib turishini kafolatlashsa boʻldi.
Iyulь oyida, Jalolabod viloyatidagi 10 boʻlimning migrantlar boʻyicha boʻlim boshligʻi mayor Bekjon Ajikulov Xitoy fuqorosi boʻlgan Uygʻur savdogarni oʻgʻirlab ketganlikda ayblangan edi. Endi esa, Bishkek IIMning 10 boʻlim yetakchisi bir qator harbiy xizmatchilar bilan birga qurol sotayotgan vaqtida qoʻlga olindi. Oktyabr oyining boshida sobiq mudofaa vaziri, hozirda mudofaa ishlari boʻyicha qoʻmita raisi Kenjisariyevning haydovchisi, 3 dona avtomot sotayotib qoʻlga olindi.
IIV matbuot boʻlimining 21 oktyabrda tarqatgan maʼlumotga koʻra, yil boshidan buyon sentyabrь oyiga qadar, fuqorolar tomonidan organ xizmatchilari ustidan 1840 nafar shikoyat kelib tushgan. 55 nafar organ xodimi ishdan haydalib, 71ta xodim ishdan boʻshatilgan. Bundan tashqari 1318 organ xizmatchisi jazoga tortilib, 693 material tergovga joʻnatilgan. Bularning ichidan 81 jinoiy ish qoʻzgʻatilgan. Shunga qaramay hukumat oʻzini va fuqorolar xavfsizligini va ularni ustida jinoiy ishlarga qarshi kurashish vazifasini shu jinoyatchilarga, yaʼni organ xodimlariga toʻliq topshirib qoʻydi. Yuqoridagi shikoyatlar yuzta mazlum fuqoroning bittasi tomonidan yozilgan. Demak bu zulmlar kamida yuzga koʻpaytiriladi. Organ ustidan olib borilayotgan ishlar esa aksincha, bir qancha kam qilib koʻrsatiladi yoki umuman yopib yuboriladi. Mayli aytilayotgan koʻlamdagi arizalar yoki jinoiy ishlarning yarmi hatto uchdan biri islomiy odamlar tomonidan sodir etilganida bormi….
Hukumat yaʼni vazirlar bu ishlarga koʻz yumibgina qolmay, balki jinoyatchilarga homiylik va ular bilan sherikchilik qilishadi. Chunki bu xodimlarning iflos ishlaridan tushgan daromadlar yuqoridagilar bilan boʻlinadi.
Buzuq kuchlar bir muslima yoki musulmonning biror nojoʻya harakati uchun butun musulmonlarni ayblashga harakat qilishadi. Prezident, vazir, deputat yoki Organ xodimlarining jinoiy ishlari uchun faqat oʻsha odamni aybdor deb, qolganlari uyalmay iflos ishlarida davom etavetishadi. Axir bir jinoiy ishni musulmon qilsa ham, kofir yoki munofiq qilsa ham natijasi oʻzgarmaydi. Yaʼni u biror odamni oʻldirsa, uni kim oʻldirgani ahamiyatli emas. Balki, nima uchun oʻldirdi, shunga huquqi bormidi, haddidan oshdimi, masalaning mana shu tomoni eʼtiborlidir. Uni biror saqollik musulmon oʻldirsa, bu jamiyat uchun xavf tugʻdirsayu, militsiya xodimi oʻldirsa hech qanday xavf yoʻq emish. Axir bu organ xodimlarini biz oʻzimiz uchun himoyachi qilib yollaganmizku. Ular ishonchsiz boʻlishsa, nega biz ularga ishonishda davom etaverishimiz kerak. Musulmonlarni esa, gumondor shaxslar deb jinoiy javbgarlikka tortib yuborishayapti. Ularni jinoyatlariga sherik deb, hatto ularning doʻstlari va yaqinlarini ham tergovga tortishyapti. Bu qanday ikki standartlik siyosat. Xalqaro tashkilotlar, sud va huquq himoyachilari koʻr boʻlib qolishganmi?
