Erdogʻan: Islom nimani buyursa, oʻshani bajaramiz
Turkiya prezidenti Rajab Toyyib Erdogʻan mahalla kengashining 28 yigʻilishida maʼruza qilib, Iroqning Mosul shahriga qilinayotgan harbiy amaliyotga toʻxtaldi. Erdugʻon Mosulda mazhablararo zoʻravonlik ehtimoli borligi haqida gapirar ekan, Turkiya bunga yoʻl qoʻymasligini va Islom nimani buyursa, oʻshani bajarishini taʼkidladi.
“Biz Suriyada qanday harakat qilgan boʻlsak, Mosul shahrida ham ayni tarzda harakat qilishga qaror qildik. Mosulni bitta mazhabning tushunchasiga tashlab qoʻymaymiz. Shialar bizning dushmanimiz emas. Mazhabparastlikka qarshimiz, Sunniy va shia din emas, biz uchun faqat Islom eʼtiborlidir. Islom nimani buyursa, oʻshani qilamiz”, dedi Erdogʻan.
Turkiston:
Maʼlumki, Amerika boshchiligidagi Xalqaro koalitsiya Iroqning Mosul shahrida harbiy amaliyotlarini boshladi. Bundan koʻzlangan maqsad Mosulda qonli bosqinchilik amaliyotlarini amalga oshirish va Iroqning demografik tuzilishini oʻzgartirishdir.
IShIDni quvib chiqarish bahonasida uyushtirilayotgan harbiy amaliyotlar AQSh tuzgan reja boʻyicha olib borilmoqda. Mosuldagi harbiy amaliyotlar AQSh nazorati ostida yuritilayotganini AQSh masʼullarining oʻzlari ham tinmay takrorlashmoqda.
Amerika Qoʻshma Shtatlarining Yaqin Sharqdagi harbiy amaliyotlarini yuritayotgan “CENTCOM” (AQSh markaziy qurolli kuchlari)ning qoʻmondoni general Jozef Votel bu haqida maʼlumot berdi. Votelga koʻra Mosulning IShIDdan tortib olish amaliyoti AQShning istagiga muvofiq ilgarilab bormoqda. U bu haqida Amerika taraqqiyot markazida mintaqadagi strategiyasiga doir yigʻinida qilgan maʼruzasida aytib oʻtdi.
Shuningdek Votel hozirgacha IShIDga qarshi jang qilishda Turkiyaning ijobiy hissasi borligini ham eʼtibordan chetda qoldirmadi.
“NATOdagi ittifoqdoshimiz boʻlgan Turkiya bu kampaniyamiz uchun oʻta muhim oʻrinni egallaydi. Turkiyaning qoʻllab-quvvatlashi boʻlmaganda edi, bugungi kungacha Suriyada qilgan ishlarimizni ham amalga oshira olmagan boʻlardik. Turkiyaning harbiy bazalari (Injirlik kabi) va boshqa yordamlari bizning amaliyotlarimiz uchun juda muhim ahamiyatga egadir”, dedi Votel.
Oʻz-oʻzidan koʻrinib turibdiki, Suriya kirish boʻlsin yoki Mosul amaliyotiga ishtirok etish boʻlsin, Islomning buyrugʻiga emas, AQShning talabiga boʻysinish va uning bosqinchiligiga sherik boʻlishdir. Erdogʻan Mosulga kirish bilan Allohning roziligini emas, balki AQShning roziligini istamoqda.
Amerikaning manfaatlari uchun minlagan musulmonlarning yostigʻini quritadigan va yuz minglagan musulmonlarni oʻz yurtlarini tashlab sarson-sargardon boʻlishiga sabab boʻladigan jangga kirish Islomning buyrugʻimi?! Agar Erdogʻan islomning buyrugʻiga boʻysunadigan boʻlsa, Rossiya samolyotlari Halabni qon qaqshatayotganda, muslima ayollar va goʻdaklarni qonga belayotganda u Rossiya prezidenti Vladimir Putin bilan ogʻiz-burun oʻpishib oʻtirarmidi? Yoki Erdogʻan uchun Islomning buyrugʻi shumi?
