36 davlatdan 30 ming askar Mosul amaliyotida ishtirok etmoqda
Bir necha kundan buyon AQSh boshchiligidagi 36 davlatdan tashkil topgan koalitsion kuchlar IShIDni quvib chiqarish maqsadida Iroqning Mosul shahri tomon shiddat bilan kirib bormoqda. Iroq hukumatining qarshiligiga qaramay, Turkiya qoʻshinlari ham janglarda faol ishtirok etyapti. Xabarlarga koʻra, bir qancha qishloqlar IShIDdan tozalangan, biroq Mosul shahriga hali yetib borilgani yoʻq.
Barcha ommaviy axborot vositalari vaziyatni soat sayin yoritib borishyapti. Ularning barchasi faqat nishonga olingan obʼektlar va qoʻlga kiritilgan hududlar haqida xabar tarqatishmoqda.
Hizb ut-Tahrir – Turkiya viloyati matbuot kotibi Mahmud Qor esa Mosul amaliyoti ortida yashiringan haqiqatlarni izohlab, jumladan shunday deydi: AQSh besh yarim yildan buyon davom etib kelayotgan Suriya muammosini hal etishdan ojizlik qildi. Tuzilgan barcha rejalar puchga chiqdi. Oxirgi Lozanna uchrashuvi ham buni isbotlab turibdi. Shunday ekan, AQSh prezidenti Barak Obama oʻzining muvaffaqiyatsizliklarini tan olgan holda prezidentlik kursisini topshirishni istamayapti. Endi u IShIDni Mosuldan quvib chiqarish “gʻalabasi” bilan oʻz prezidentligiga nuqta qoʻymoqchi. Chunki Mosul amaliyoti AQSh uchun Suriyaga qaraganda arzimagan ishdir.
Buning ustiga AQShning IShIDni dastaklayotganligi haqidagi daʼvolar va uning Iroq-Suriyadagi muvaffaqqiyatsizligi AQSh prezidentligiga demokratlardan nomzod boʻlgan Hillari Klintonning nomiga dogʻ tushirmoqda. Prezidentlikka yana bir nomzod Donold Trump ham aynan shu nuqtadan turib Klintonga hujum qilmoqda. Mosul amaliyotining muvaffaqiyati esa, Klintonning boshidan qora bulutlarni biroz aritadi.
Bundan tashqari Mosuldan chekingan IShID kuchlari Suriyaga oʻtishi tabiiy. Bu ham AQSh uchun Suriyada IShIDga qarshi kurash bahonasi uchun imkon yaratadi.
Mosul amaliyoti AQSh boshchiligida amalga oshirilayotganiga shubha yoʻq. Biroq u Afgʻoniston va Iroqda yetarlicha odobini yeganligi tufayli oʻzini oʻtga tashlamayapti, balki mahalliy va yaqin atrofdagi kuchlardan foydalanyapti. Yaʼni jang olib borayotgan yetakchi davlat AQSh boʻlsada, uning nomidan boshqalar jang qilmoqda. 3 yil muqaddam IShIDning Mosulga kirishiga izn bergan AQShning oʻzi bugun unga qarshi Iroq armiyasini tizib qoʻydi.
Mosul amaliyotidan faqat AQSh va Gʻarb davlatlari manfaat koʻradi. Ziyon-zahmatda qoladiganlar esa musulmonlardir. Mosul halqi qatliomlarga duchor boʻladi. Iroq, Turkiya, Eron davlatlari esa bu kurashida AQShning asosiy xizmatini bajargan xoinlar sifatida tarixda qolishadi. Qisqacha aytganda, Iroq, Turkiya, Eron davlatlarining Mosul amaliyotida ishtirok etishga talpinishlari ular uchun sharmandalikdir.
