Suriyalik shifokorning faryodi: Talbisa yoʻq qilinmoqda, musulmonlar qayerda qoldi?!
Suriyada Asad kuchlari va Rossiya samolyotlari tarafidan uyushtirilgan havo hujumlari ortidan Suriyaning Talbisa shahrida faoliya yuritib kelayotgan bir shifokor dunyoga murojaat yoʻlladi. Shifokor oʻzining video murojaatida Suriyada sodir etilayotgan vahshiyliklarga nisbatan butun Islom olamini befarqlikda aybladi.
“Suriya tinimsiz hujumga tutilmoqda. Talbisa shahri aholisi portlovchi bochkalar, raketalar va parashyutli bombalar bilan halok etilmoqda. Musulmonlar qayerda qoldi? Qani bizning olimlarimiz? Xarqaro hamjamiyat qayoqqa qarayapti? Biz ulardan aslo rozi emasmiz”, deydi butun Islom olamiga YouTube video portalida joylashtirilga video lavha orqali murojaat yoʻllagan shifokor.
Markazi Londonda joylashgan Suriya inson huquqlari observatoriyasining maʼlumotiga koʻra, Homsning 13 kilometr shimolida joylashgan Talbisa shahrida amalga oshirilgan qirgʻinlarda jabr koʻrganlarning asosiy qismi yosh bolalardir. Ularning orasida chaqaloqlar ham borligi aytilmoqda.
Suriya rejimi esa hujumlarda halok boʻlayotganlarning aksariyati yosh bolalar va ayollardan iborat boʻlishiga qaramay, bezbetlarcha ularning barchasini terroristlikda ayblab keladi. Oʻz navbatida Rossiya ham Suriyada urush jinoyatini amalga oshirayotganini rad etib kelmoqda. Kremlning daʼvosiga koʻra, “terrorchilar” oddiy aholining ichiga kirib yashirinib olgan. Shuning uchun butun shahar hujumga turilmoqda
“Terroristlarning oddiy insonlardan jonli qalqon sifatida foydalanishiga izn bera olmaymiz”, deydi Frantsiyaning TV1 kanaliga intervьyu bergan Rossiya prezidenti Vladimir Putin.
