بسم الله الرحمن الرحيم
Qirgʻizistonda teraktlarni kimlar amalga oshirishi mumkin
Juda koʻp insonlarga balolar olib keladigan, yostigʻini quritadigan teraktlar qilish u yoqda tursin, hatto begunoh bir insonni qonini toʻkish sharʼan haromdir. Bunday iflos ishlarni haqiqiy moʻmin qilmaydi. Soʻzlariga qarasang oʻz xalqiga kuyungan qahramon, lekin kurf bilan hamtovoq boʻlib olgan munofiqlardan ehtiyot boʻlish kerak. Chunki kofirlar juda qoʻrqoq insonlar boʻlib, ular ayollarga va yosh bolalargagina kuchi yetadi. Erkakchasiga kurashishga ojizlik qilishadi. Buni biz Afgʻonistonda butun kufr armiyasi magʻlub boʻlib, xiyla-nayranglar bilan qochib qolganida koʻrdik. Rosululloh (s.a.v) dedilar:
“إِنَّي لاَ أَتَخَوَّفُ عَلَى أُمَّتِي مُؤْمِنًا وَلاَ مُشْرِكًا، أَمَّا الْمُؤْمِنُ فَيَحْجِزُهُ إِيْمَانُهُ، وَأَمَّا الْمُشْرِكُ فَيَقْمَعُهُ كُفْرُهُ، وَلَكِنْ أَتَخَوَّفُ عَلَيْكُمْ مُنَافِقًا عَالِمُ اللِّسَانِ يَقُولُ مَا تَعْرِفُونَ وَيَعْمَلُ مَا تُنْكِرُونَ”
“Albatta, men Ummatimga moʻmin yo mushrikdan zarar yetishidan qoʻrqmayman. Chunki moʻminni imoni toʻsib turadi, mushrikni kufri oʻzini yoʻq qiladi. Biroq sizlarga munofiq zarar yetkazishidan qoʻrqaman. Uning tili burro, sizlarga maʼruf ishlarni gapiradiyu, oʻzi munkar ishlarni qiladi” (Tabaroniy va Bazzor rivoyati).
Rosululloh(s.a.v) yana shunday ogohlantiradi:
“لاَ يُلْدَغُ المُؤْمِنُ مِنْ جُحْرٍ وَاحِدٍ مَرَّتَيْنِ”
“Moʻmin bitta teshikdan ikki marta chaqtirmaydi”. Bu hadisni Buxoriy chiqardi.
Shunday ekan, koʻp marta chaqtiradigan kimsa haqida nima deyish mumkin?! Bizni juda koʻp aldashdi, 25 yildan beri yaxshi gaplar, quruq vaʼdalar. Kamiga sunʼiy teraktlar, oqibati tuhmat va balolar…
Bugungi kunda millionlab insonlar zulm, istibdod va zoʻravonliklar jabrini totib kelishmoqda. Bunga Amerika bosh boʻlib, Rossiya, Britaniya, Frantsiya va Xitoy kabi katta mustamlakachi kuchlar islomiy yurtlar ustidan siyosiy hukmronlik qilishga tish-tirnoqlari bilan yopishib olganliklari sabab boʻlyapti. Bunga erishish maqsadida bizdagi baʼzi bir siyosatchilarga bir masxarabozlik spektaklini oʻylab topishadi-da, uni xoinlarga ijro qildirishadi. Ularga ishongan sodda xalq ergashadi. Keyin bu spektakllarni musulmonlarga yopishtirib, ortidan organ hodimlariga oshkor va yashirish buyroʻqlar berishadi va koʻplab musulmonlarga jabr-zulm qilishadi.
Shu oʻrinda fikr, siyosat va ong sohiblariga, hamda imom-domlalarga bir savol bilan murojaat qilmoqchiman: shu siyosiy talashishlar oqibatida qancha begunoh pokiza qonlar toʻkildi va qattiq mashaqqatlar chekildi, nega omma xalqni ogohlantirmayapsizlar?! Yoki shumi sizlarning maqsadingiz?! Hishom ibn Hakim rivoyat qiladi; “Guvohlik beramanki, albatta men Rosululloh (s.a.v)ning shunday deganini eshitdim:
“إِنَّ اللَّهَ يُعَذِّبُ الَّذِينَ يُعَذِّبُونَ النَّاسَ فِي الدُّنْيَا”
“Alloh odamlarni dunyoda azoblagan kimsalarni albatta azoblaydi”.
(Imom Muslim). Oʻzinglarga organ hodimlarini ham qoʻshib, Alloh Taoloning gʻazabiga duchor qilmoqdasizlar. Rosululloh (s.a.v) yana shunday dedilar:
“صِنْفَانِ مِنْ أَهْلِ النَّارِ لَمْ أَرَهُمَا: قَوْمٌ مَعَهُمْ سِيَاطٌ كَأَذْنَابِ الْبَقَرِ يَضْرِبُونَ بِهَا النَّاسَ…”
“Doʻzax ahlidan ikki toifa borki men ularni koʻrmaganman: bir qavmki ular bilan sigir dumlaridek qamchilar boʻladi, ular bilan odamlarni urib kaltaklashadi…”. Bu hadisni Muslim Abu Hurayra orqali rivoyat qildi. Misvar Nabiy (s.a.v)ning shunday deganini rivoyat qildi:
“مَنْ أَكَلَ بِرَجُلٍ مُسْلِمٍ أَكْلَةً فَإِنَّ اللَّهَ يُطْعِمُهُ مِثْلَهَا مِنْ جَهَنَّمَ، وَمَنْ كُسِيَ ثَوْبًا بِرَجُلٍ مُسْلِمٍ فَإِنَّ اللَّهَ يَكْسُوهُ مِثْلَهُ مِنْ جَهَنَّمَ…”
“Kimki bir musulmon(ni yomonlash yoki unga ozor berish) evaziga bir luqma taom yesa Alloh uni jahannamdan shu luqma mislichasini taomlantiradi, kimki bir musulmon(ni yomonlash yoki unga ozor berish) evaziga bir kiyim kiysa Alloh unga jahannamdan shu kiyim mislichasini kiyintiradi…”. Bu hadisni Abu Dovud va Ahmad rivoyat qildi.
Ey, organ hodimlari!
Sizlar baʼzi bir xoin siyosatchilarni manfaati uchun ikki dunyoingizni vayron qilmanglar. Chunki Islom musulmonlarning jonlari va mol-mulklarigagina emas, hatto hurmatlariga, obroʻlariga, or-nomuslariga tajovuz qilishni, uylarining hurmatini oyoq osti qilishni ham harom qildi. Paygʻambarimiz(s.a.v) bunday dedilar:
“… كُلُّ الْمُسْلِمِ عَلَى الْمُسْلِمِ حَرَامٌ، دَمُهُ وَمَالُهُ وَعِرْضُهُ”
“…Musulmonga har bir musulmonning qoni, moli va or-nomusi haromdir”. Bu hadisni Muslim Abu Hurayra orqali rivoyat qildi. Paygʻambarimiz(s.a.v) uylar hurmati haqida bunday dedilar:
“لَوْ أَنَّ رُجُلاً اِطَّلَعَ عَلَيْكَ بِغَيْرِ إِذْنٍ، فَخَذَفْتَهُ بِحَصَاةٍ، فَفَقَأْتَ عَيْنَهُ، مَا كَانَ عَلَيْكَ بِجُنَاحٍ”
“Agar biron kishi sening uyingga iznsiz qarasa, sen unga tosh otib koʻzini chiqarib qoʻysang senga hech qanday gunoh boʻlmaydi”. Bu hadisni Muslim Abu Hurayra orqali rivoyat qildi. Paygʻambarimiz (s.a.v) yana bunday dedilar:
“مَنِ اطَّلَعَ عَلَى قَوْمٍ فِي بَيْتِهِمْ بِغَيْرِ إِذْنِهِمْ فَقَدْ حَلَّ لَهُمْ أَنْ يَفْقَئُوا عَيْنَهُ”
“Kimki bir qavmning uylariga ularning iznisiz moʻralab qaraydigan boʻlsa oʻsha qavm uchun uning koʻzini urib chiqarib qoʻyish halol boʻladi”. Bu hadisni Ahmad Abu Hurayra orqali rivoyat qildi. Muminga moddiy ziyon yetkazish emas, balki soʻkish ham, hatto yomon gumon qilish ham harom. Ammo uni oʻldirish kofirlikdir. Paygʻambarimiz (s.a.v) Kaʼbani tavof qilar ekanlar bunday dedilar:
“مَا أَطْيَبَكِ وَأَطْيَبَ رِيحَكِ مَا أَعْظَمَكِ وَأَعْظَمَ حُرْمَتَكِ وَالَّذِي نَفْسُ مُحَمَّدٍ بِيَدِهِ لَحُرْمَةُ الْمُؤْمِنِ أَعْظَمُ عِنْدَ اللَّهِ حُرْمَةً مِنْكِ مَالِهِ وَدَمِهِ وَأَنْ نَظُنَّ بِهِ إِلاَّ خَيْرًا”
“(Ey Kaʼba) Naqadar yaxshisan va naqadar xushboʻysan, naqadar buyuksan va sening hurmating ham naqadar buyuk. Muhammadning joni qoʻlida boʻlgan Zotga qasamki, moʻminning, uning molining va qonining hurmati Allohning nazdida sening hurmatingdan buyukdir. Shuningdek, moʻmin xususida faqat yaxshilikni gumon qilishimiz ham sening hurmatingdan buyukdir”. Bu hadisni Ibn Moja Ubaydulloh ibn Amr orqali rivoyat qildi. Paygʻambarimiz (s.a.v) yana bunday dedilar:
“سِبَابُ الْمُسْلِمِ فِسْقٌ وَقِتَالُهُ كُفْرٌ”
“Musulmonni soʻkish fosiqlik, uni oʻldirish kufrdir”. Bu hadisni Buxoriy va Muslim Abdulloh ibn Masʼud orqali rivoyat qildi.
Islomiy yurtlarda qonuniy yashayotgan boshqa davlatlarning fuqarolariga ham zulm qilish harom. Rosuli Akram (s.a.v) ularga yaxshi munosabatda boʻlishni vasiyat qildilar va ularga ozor-aziyat yetkazishdan qaytardilar. Paygʻambarimiz (s.a.v) shunday dedilar:
“مَنْ ظَلَمَ مُعَاهِدًا، أَوْ كَلَّفَهُ فَوْقَ طَاقَتِهِ فَأَنَا حَجِيجُهُ إِلَى يَوْمِ الْقِيَامَةِ”
“Kimki bir muohidga zulm qilsa yoki uni toqatidan tashqari narsaga taklif qilsa men u bilan qiyomat kuni hujjatlashaman”. Bu hadisni Yahyo ibn Odam “xiroj” kitobida rivoyat qildi.
Umar(r.a) bunday degan edi: “Oʻzimdan keyingi xalifaga Rosululloh (s.a.v) zimmasi (yaʼni himoyasidagi ahli zimmalar) borasida yaxshi munosabatda boʻlib ularga berilgan ahdlarga vafo qilishni, ularning himoyasi uchun jang qilishni, ularni toqatlaridan tashqari narsaga taklif qilmaslikni vasiyat qilaman”. Yahyo ibn Odam rivoyat qildi.
Ey, oʻzini moʻminman deb bilan musulmonlar!
Ey, musulmon siyosatchilar!
Ey, musulmon organ hodimlari!
Yetar shuncha kufrning nogʻarasiga oʻynaganimiz, endi Allohning haqiqiy bandalari boʻlaylik! Rasululloh(s.a.v) shunday dedilar:
“اَلْمُسْلِمُ أَخُو الْمُسْلِمِ: لَا يَظْلِمُهُ، وَلَا يُسَلِّمُهُ: مَنْ كَانَ فِي حَاجَةِ أَخِيْهِ، كَانَ اللهُ، عَزَّ وَجَلَّ، فِي حَاجَتِهِ! وَمَنْ فَرَّجَ عَنْ مُسْلِمِ كُرْبَةً، فَرَّجَ اللهُ عَنْهُ بِهَا كُرْبَةً مِنْ كُرَبِ يَوْمِ الْقِيَامَةِ! وَمَنْ سَتَرَ مُسْلِماً، سَتَرَهُ اللهُ يَوْمَ الْقِيَامَةِ”
“Musulmon musulmonning birodaridir, unga zulm qilmaydi, uni (dushmanga) topshirib qoʻymaydi. Kimki birodarining hojatini chiqarsa, Alloh Azza va Jalla uning hojatini ham chiqarib beradi. Kimki bir musulmondan gʻam-qaygʻuni ketkazsa, Alloh uning oʻzidan ham qiyomat kunidagi gʻam-qaygʻulardan birini ketkazadi! Kimki bir musulmonning aybini berkitsa, Alloh qiyomat kuni uning aybini ham berkitadi”. Paygʻambarimiz(s.a.v) yana dedilar:
“اَلْمُؤْمِنُ مِرْآةُ أَخِيْهِ. وَالْمُؤْمِنُ أَخُو الْمُؤْمِنِ: يَكُفُّ عَلَيْهِ ضَيْعَتَهُ، وَيَحُوطُهُ مِنْ وَرَائِهِ”
“Moʻmin oʻz birodari uchun bamisoli bir oynadir. Moʻmin moʻminning birodaridir, unga yoʻqotgan narsasining oʻrnini toʻldirib beradi, ortidan uni himoya qilib, asraydi”.Rasululloh(s.a.v) yana shunday dedilar:
“مَثَلُ الْمُؤْمِنِيْنَ فِيْ تَوَادِّهِمْ وَتَرَاحُمِهِمْ وَتَعَاطُفِهِمْ مَثَلُ الْجَسَدِ، إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ بِالسَّهَرِ وَالْحُمَّى”
“Moʻminlarning bir-birlariga muhabbatli, rahm-shafqatli, mehribon boʻlishlari bamisoli bir tanaga oʻxshaydi. Agar bu tananing biron ahzosi kasallansa, boshqa ahzolar darhol bedorlik va isitmalash bilan unga yordamga shoshiladilar”. Musulmonlarning bir-birlarini doʻst tutishlari vojibligi haqida bulardan boshqa koʻplab hadislar mavjuddir. Biz sizlarga Alloh Taoloning ushbu oyatiga muvofiq, oʻzininglarga keling deb eslatib qoʻymiqchimiz xalos:
وَذَكِّرْ فَإِنَّ الذِّكْرَى تَنفَعُ الْمُؤْمِنِينَ
– “Va eslatib qoʻying! Zero, eslatma moʻminlarga naf yetkazur”.
Rosul(s.a.v) bunday marhamat qildilar:
“تَرَكْتُ فِيكُمْ أَمْرَيْنِ لَنْ تَضِلُّوا مَا تَمَسَّكْتُمْ بِهِمَا: كِتَابَ اللَّهِ وَسُنَّةَ رَسُولِهِ”
“Men sizlarga agar ularni mahkam ushlasangiz hargiz adashmaydigan ikki narsani qoldirdim: Allohning Kitobi va Rosulining sunnati” (Imom Molik).
Kufrning maslahatidan doimiy janjal, yomon oqibatlar kelib chiqadi. Allohning hukmi bilan ikki dunyo baxtiga erishamiz. Qachongacha musulmonlarning taqdirlarini va hokimlarini dushmanlar belgilaydi? Qachongacha??? Bu muammo kofirlarning Islom yurtlariga aralashayotgan qoʻllarini kesib tashlash bilan va musulmonlar Islomni hakam qilishlari bilangina yechiladi. Faqat shu yoʻl bilangina ularning azizligi qayta tiklanadi. Alloh Taolo aytadi:
“Barchangiz Allohning arqoniga (Qurʼonga) bogʻlaningiz va boʻlinmangiz” [3:103]
Muttaqiy.
