Atambayev rasmiy safar bilan Gruziyaga joʻnab ketdi
Prezident apparati axborot siyosati boʻlimining xabar qilishicha, Almazbek Atambayev 12-13 kunlari rasmiy safar bilan Gruziyada boʻladi. Rasmiy safari davomida Atambayev Gruziya prezidenti Georgiy Margvelashvili bilan uchrashadi.
Xabarga koʻra, uchrashuvda ikki tomonlama aloqalarni mustaxkamlash, savdo-iqtisodiy, investitsiya va gumanitar sohalarda hamkorlikni kuchaytirish masalalari muxokama qilinadi. Uchrashuv yakunida bir qator hujjatlar imzolanadi.
Gruziyada ikki kun boʻlganidan soʻng Almazbek Atambayev 13-14 oktyabr kunlari ish safari bilan Armanistonga borib, Kollektiv xavfsizlik shartnomasi tashkiloti (KXShT) yigʻilishida ishtirok etadi. Yigʻilish doirasida tashkilotga aʼzo davlatlar Armaniston, Belarus, Rossiya, Qozogʻiston va Tojikiston davlat rahbarlari bilan xalqaro va mintaqaviy muhim masalalar, tahdidlarga qarshi hamkorlikda kurashish masalalari muxokama qilinadi.