BMT: Suriyada harbiy gʻalabaga erishib boʻlmaydi
Suriyadagi oxirgi vaziyat muhokama qilingan shved televizion kanalining axborot dasturiga telefon orqali Nьyu-Yorkdan ishtirok etgan BMT Bosh kotibining oʻrinbosari Yan Eliasson Suriyada harbiy gʻalabaga erishish imkoni yoʻqligini taʼkidladi. Biroq shunday boʻlsada, Eliasson BMT Suriyaga oid saʼy-harakatlarini davom ettirishiga urgʻu berdi.
“Besh yil mobaynida bir taraf gʻolib kelaman, deb oʻyladi. Ochiq aytganda, bu (harbiy harakat) ish bermadi. Shubhasiz, Suriyada harbiy gʻalabaga erishish imkoni yoʻq. Siyosiy yechim topishga majburmiz”, dedi BMT vakili.
Eliasson Rossiya va AQSh oʻrtasida Suriya masalasidagi muzokaralarning toʻxtatilishiga baho berar ekan, – “Biz katta omadsizlikka duchor boʻldik. Modomiki, AQSh va Rossiya kelisha olmas ekan, BMT Xavfsizlik Kengashida birlikka erishish mumkin emas”, “AQSh va Rossiya oʻrtasidagi Muzokaralarning toʻxtatilishi katta ishonchsizlik borligining alomatidir. Ammo biz saʼy-harakatlarimizni davom ettirishimiz kerak. BMT saʼy-harakatlarini davom ettiradi, biz taslim boʻlmaymiz”, deya qayd etdi.
BMTning Suriyadagi “tinchlik” saʼy-harakatlari muvaffaqiyat qozonishi uchun uch sohada kelishuv tuzilishi shartligini bildirgan Eliasson soʻzini shunday davom ettirdi: – “Bu sohalardan biri Rossiya va Qoʻshma Shtatlar oʻrtasidagi kelishuv boʻlsa, ikkinchisi Saudiya Arabistoni, Turkiya va Eron kabi mintaqadagi kuchlar oʻrtasidagi kelishuvdir. Uchinchisi esa Suriya rejimi va muxolifat oʻrtasidagi kelishuvdir. Bu uch sohalarning qaysi birida boʻlmasin, ishonchsizlik mavjud boʻlsa jang uzoq davom etadidiganga oʻxshaydi. Bu esa Suriya uchun ham, mintaqa va butun dunyo uchun ham katta falokatdir”.
