Jenevada Suriya inqirozi boʻyicha Rossiya-AQSh muzokaralari boshlandi
Jenevaning “Prezident Uilson” mehmonxonasida Rossiya tashqi ishlar vaziri Sergey Lavrov va AQSh davlat kotibi Jon Kerri oʻrtasidagi muzokaralar boshlandi. Uning bosh mavzusi Suriyadagi jangarilarga qarshi kurashda Rossiya-AQSh saʼy-harakatlarini muvofiqlashtirish.
Hozircha, mazkur uchrashuvda biron yakuniy hujjat qabul qilinadimi-yoʻqmi, nomaʼlumligicha qolayapti. Bungacha ikki davlat diplomat va harbiy ekspertlari ushbu masalani bir necha bor muhokama qilishgan edi. Kun tartibining Suriya mavzusi Halab shahriga oid gumanitar, vaqtinchalik oʻt ochishni toʻxtatish va siyosiy jarayonlarni boshlash masalasini ham oʻz ichiga olgan. Bundan tashqari, Turkiyaning Suriya bilan chegarasidagi jangovar amaliyoti ham muhokama etilishi mumkin.
Lavrov va Kerri Ukrainadagi vaziyat hamda ikki tomonlama munosabatlarga oid boshqa masalalar borasida ham fikr almashishadi.
