Sarkozi islomchi mahbuslarni alohida kameralarda saqlashga va ekstremizmga qarshi kurashga chaqirmoqda
Oʻtgan juma kuni Yevropaning oltita gazetasida, shu jumladan, Frantsiyaning “Le Figaro” roʻznomasida Frantsiyadagi respublikachilar partiyasi rahbari Nikolya Sarkozi soʻzlari nashr qilindi. Unda Sarkozi “Biz urush holatidamiz”, dedi. Keyin “Xorijdagi urushimiz Islomiy Davlat tashkilotiga qarshi, ichkaridagi urushimiz radikal Islomni qabul qilgan fuqarolarimizga qarshi urush”, deya qoʻshimcha qildi.
“Qachon dushmanimizga qarshi kurashmoqchi boʻlsak, belgilab olaylik: jihodchi oqim bor, radikal islomchi oqim bor, ikkalasi ham bir-biridan ozuqa oladi”, dedi.
U oʻz partiyasining xalqaro masalalar bilan bogʻliq yigʻinidan soʻng, Sankt-Peterburgdagi iqtisodiy forumda ishtirok etar ekan, “ekstremistik islomga” qarshi kurash maqsadida “darhol tatbiq etish uchun toʻrtta taklifni” oʻrtaga tashlashini aytdi.
U yana bunday dedi: “Birinchi navbatda, islomchi mahbuslarning barchasini alohida kamerada saqlash kerak. Chunki u yerda qarshi kurashish kerak boʻlgan daʼvat kampaniyasi olib borilmoqda… Ikkinchi oʻrinda, qamoqxonalar uchun josuslik xizmati tashkil qilinishini talab qilaman. Biz kameralardagi mahbuslar ovozini tinglash bilangina kifoyalanmasligimiz kerak. Qolaversa, ekstremistik ibodat qilinadigan joylarda va radikal guruhlar ichida yuradigan jismoniy jonli josuslik ham boʻlishi lozim”, dedi.
Sobiq Frantsiya prezidenti yana shunday qoʻshimcha qildi: “Uchinchi oʻrinda, har qanday ajnabiyni yoki terroristik faoliyat va tarmoqlarga aloqasi bor boʻlgan ikki davlat fuqaroligiga ega shaxsni kechiktirmay yurtimizdan chiqarib yuborishimiz kerak. Hech boʻlmaganda, bu sohada favqulodda holat joriy qilishimiz zarur”.
Va nihoyat, Sarkozi “terroristik faoliyatlarga bevosita yoki bilvosita aloqasi borligiga gumon qilingan har qanday shaxsni uy qamogʻiga hukm qilishni hamda bu shaxs harakatini doimiy kuzatib borish uchun unga elektron tasma taqib qoʻyishni”, talab qildi. (Hayot gazetasi).
Roya gazetasi sharhi:
Sobiq Frantsiya prezidenti Nikolya Sarkozining (uning nazdidagi) dushmanga, yaʼni u ayotgan “radikal islom”ga qarshi koʻrilishi lozim boʻlgan choralar haqidagi soʻzlari uning qalbidagi Islom va musulmonlarga nisbatan tuygan ulkan nafratni aks ettirib turibdi. Mana shu nafrat uni oʻzi uchun har qanday chorani koʻrishi mumkin deb biladigan qilib qoʻydi. Garchi bu chora Frantsiya qonunlariga mutlaqo zid boʻlsa ham va hatto oʻzlari himoya qilishni iddio qilgan inson huquqlariga zid boʻlsa ham uni qoʻllash mumkin deb bildi.
U Islom va musulmonlarga birinchi bor hujum qilayotgani yoʻq. Oʻtgan fevral oyida ham “Frantsiya musulmonlari hijob kiyishdan voz kechish orqali yurtimiz ilmoniyligi bilan murosa qilish yoʻlida saʼy-harakat qilishlari kerak”, degandi. U yurtida hijob kiygan ayollar boʻlishini istamasligini yashirmadi, Frantsiyada yashovchi musulmonlar jamoasining bir necha ishlariga, jumladan, ayrim musulmonlarning koʻchada namoz oʻqishiga hamda muslimalarning erkak shifokorda davolanishdan bosh tortib, oʻziga alohida ayol shifokor tanlashiga qarshi ekanini bildirdi. Bundan avval esa “Men Frantsiyadagi islomni emas, frantsuzcha islom boʻlishini istayman”, degan edi.
Islom va musulmonlarga nisbatan oʻz nafratidan kelib chiqib turib gapirayotgan siyosatchi yolgʻiz Sarkozi emas. Sotsialistlar partiyasidan hukumat bosh vaziri Manuelь Valьs ham musulmonlarni “islomiy fashizmga qarshi kurash”da “oʻz masʼuliyatlarini toʻla” zimmalariga olishga chaqirgan. Bu bayonotlar Frantsiya rahbarlarining Islom va musulmonlarga qarshi bildirgan nafratli bayonotlari oldida dengizdan bir tomchi, xolos. Ularning bunga oʻxshash nafratlariga butun Gʻarb davlatlari rahbarlari ham sherik boʻlishgan.
Nikolya Sarkozi bilan Manuelь Valьsning bu soʻzlari ularning fikran abgorligini yaqqol koʻrsatib turibdi. Chunki ular Islom aqidasining kuch-qudratini, tubsiz-chuqurligini hamda bahs Islom asosi bilan Gʻarb hazorati asosiga bogʻliqligi sababli, Islom aqidasiga qarshi fikriy kurashga kirishishga ojiz ekanliklarini tushunib turishibdi. Shu sababdan, Islomning hayot voqeiga qaytib kelishiga toʻsiq qoʻyish uchun, Islomni, uning ahkomlarini, Paygʻambarlik minhoji asosidagi roshid Xalifalikni qora qilib tasvirlashga urinishmoqda. Biroq bu urinishlari oʻzlarini halok qiladi, insha Alloh. Alloh Taolo bunday dedi:
- “Albatta, kofir boʻlgan kimsalar mol-dunyolarini Allohning yoʻlidan toʻsish uchun ishlaturlar. Bas, uni sarflaydilar-u, soʻngra oʻsha (mollari) oʻzlariga hasrat boʻlur, soʻngra magʻlub boʻlurlar. Kofir boʻlgan kimsalar jahannamga toʻplanurlar” [Anfol 36]
