Turkiya muhojirlarga fuqarolik taklif qildi
Turkiya hukumati mamlakatda yashayotgan suriyalik muhojirlarga mamlakat fuqarosi boʻlish imkonini bermoqda.
Bu haqda yakshanba kuni Hurriyet gazetasi xabar berdi. Mazkur taklif bilan Turkiya prezidenti Rajab Erdogon chiqish qilgan.
“Men bu oqshom, bu yerda oʻtirgan qardoshlarimga bir xushxabar bermoqchiman. Ularning orasida Turkiya jumhuriyati fkqaroligini olish istagida yurganlar bor. Ichki ishlar vazirligi ushbu yoʻnalishda zarur choralarni koʻrmoqda”, – dedi Erdogon Suriya bilan chegaradosh Kilis viloyatida bergan iftorlik chogʻida.
Turkiya yetakchisi muhojirlarga fuqarolik berish ishlari bilan ichki ishlar vazirligida tuzilgan maxsus xizmat shugʻullanishini aytib oʻtgan.
Turkiya hukumati rasmiy maʼlumotiga koʻra ayni vaqtda mamlakat hududida 2,7 mln suriyalik muhojirlar istiqomat qiladi.
